علشان عيونك يا 00 قلم
( قصيدة بالعامية المصرية )
--------------
ولأني شلتك ياقلم
وسمحت ليك 00
تنطق بإسمي ع الورق
فبلاش تسلّم للألم
خايف عليك 00
يفلت زمامك فى الهوى
نلقاه سراب 00
نغرق سوى !!
ونتوه فى دوّامة عدم
*****
ولأني عشتك ياقلم
وعايشت بيك 00
كل الظروف المُمكنه
حتّى الآهات المّزمنه
حسيّتها فيك 00
حاسب عليك
تفْقد مكانك 00
وانت في عرض الطريق
حتى ولو 00 خطوة قدم
*****
ولأني ذاتك ياقلم
وانتَ النِدا 00 وانتَ الجرس
وانتَ البديل 00 ساعة الخَرسْ
كُنت بحنان بتحدّني
00 أنزف قلق
لمّا باتوه منّك وانا
00 وسْط السبق
بالاقيك بتمسك دفّتي
00 وتمدّني
بحروف بتعلن ع الملأ
إنّي فى قلب المعمعه
00 فارس
وكنت ف قبضتي
أمهر 00 فرس
*****
ولأني شُفتك يا00 قلم
نازف دموع !!
وسمعت صوتك ع الورق
يعلن فراقنا !!
بدون رجوع ؟
*****
ولأني حافظ ع اللي فات
00 واللي ابتدا
ولأني باقي ع اللي جيّْ
وعشان ماتفضل بين سطوري
00 حرف حيّْ
امتثل للأمر واهدأ 00 واستكين
وافتكر 00كل اللي بنّا من سنين
*****
ولأني روحك يا 00 قلم
وانتَ الوَنيس 00 في وحدتي
وانتَ الجَليس 00 في سهْرتي
وف رحلتي 00 دايماً رفيق
وانا ليك 00 صديق
مش باختياري
00 أو قراري
لمّا أعلَنتْ انهياري
أفقدك 00 والقاك غريق
فبلاش تفسّر كلمتي
ليك - انطلق عنّي - غلط
رافض فى يوم أستخدمك
ماكياج 00 بازوّق بيه يُفط
*****
( إلى كل الأصدقاء , الأحبّاء )
أتمنّى أن تجد مشاركتي قبولاً .. وأن تكون بداية تواصل دائم
وشكراً لتجاوبكم
رد مع اقتباس
المشاركة الأصلية كتبت بواسطة المستشار شريف رستم
