عيني عليك يا وطن
/
/
/
عيني عليك يا وطن * سهرانة متلهلبة
قلبي ملاه الشجن * والنفس متكهربة
الظلم جدرو غويط * و فروعه متشعبة
اديال نظام هدنا * في الظلمة متهربة
مش حابة ليك الخير * بالحقد متعصبة
*****
بيساووا بيني وبين * من غدرو عاداني
بيقولي انت لئيم * والنهج إخواني
عايز تفوز بالبلد * مش بس شيئ تاني
سبحانو رب الورى * باعشقها اوطاني
افديها نن العين * من مالي وكياني
*****
ترميني باللي فيك * وتفر و تكركر
بتقول ليه متعصب * ردكالي متأخر
هِيَّا اصول حقنا * من نفخو تتأثر
ثورتنا من عزمنا * ورجعونا للأكبر
دي أصَّلِت فخرنا * والباغي يتحسر
*****
يا ديول نظام فاسد * عايزين مكان بينا
انتو قتلتو الأمل * في صدورنا وف عينا
مهما اداريتو هنا * عارفينكو وفهمنا
هنسد حجر الموت * من شيحنا وبطينا
و هنبتدي التحرير * بعملنا وبإيدنا
*****
انا صدري صد النار* وفديت بو أصحابي
وثبت مثل الجبل* لا بهاب ولا بحابي
واجمعني في التحرير * لحمي واعصابي
لا بمنّْ على امتي * وحسبت اتعابي
للرب عزمِ الهمم * ودا شعبي أحبابي
*****
حبي لبلادي دين * في القلب غالي يقين
تقسمني ليه نصين * انا وسط شعبي أمين
ترميني ليه بعملتك * يا سارق الملايين
من دمِّي كان التمن * من السنين تمانين
وبرضه قلبي الوطن * في نن نن العين
*****
دمتم مبدعين
رد مع اقتباس
المشاركة الأصلية كتبت بواسطة عايد راشد احمد
