( عزة ادفو )
عزّة يا سيدي راحت الجامعة ...
وبِقي لها شنه ورنه وسُمعه
بس السمعه ربنا يعلم .. ربنا يستر على ولا يانا
لبست موضه وحطت الاحمر ... لما تشوفها تقول : دي ديانا
لبست ... ــ ياااااا ادي النيله السودة ــ
قصدي أقولْ : إنها قلعت !!
قلعت توب الحيا .. وخلاص
لبست كط ، وبدي مفتوح
كانها ماشيا بالملووح
كانها ماشيا وتحتها فوقها
دم شرفها بِِقي مسفوح
عرضها زي حمل مدبوح
***
كنت بشوفها ..لحسن أدبها ... كنت بنادي وقول ...: يا هو
أما الوقتي ... لما بشوفها ... بغمض عيني وقول ......: ادفو
راحت الجامعه عشان تتعلم ؟؟
أبدا والله !!
راحت الجامعه عشان تتلم
على ازبل شله !!
شلة أنس وحظ ... ورااااااااااااااحت عزه
ياااااااااادي الهم !!
***
عزه معاها يادوب دبلوم
ولا عداشي عليه اليوم
يوم ما اتقابلت هي وبنت ( التربتِّي )
شدِّت رجل البت الهبله
وعــِملوا جروب ( للتربتي )
واهو من يومها ــ عزه يا هو ــ
باقو ينادوها ... :ــ عزه ادفو ــ
بقلم الشاعر / محمد محمود شعبان ( حمادة )
مصر ـ الزقازيق ـ محافظة الشرقية ـ