أنا العربي .... أنا العربى
والعروبه.... نهر جارف
جوه قلبى وف وريدى
أنا العربى
والعروبه..
هى عنوانى البريدى
والشهيد فى القدس منى
دمه ينزف من وريدى
يعنى هو النهر واحد
طول ما ايدك..
سانده ايدى
ياللى مش فاهم أصولى
احسبها بس شويه فكر
واعرف
ان الأضحى يوم عيدهم
دا عيدى
احسبها ميت مره ومره
قبل ماتهدد وجودى
احسبها ياخنزير أميركا
احسبها ياسفاح شاتيلا
تلقاك وسورك
من ورق
يفنيك شهيدى
أنا العربى
والعروبه هى فرحى
وهى عيدى
العروبه غنوه حلوه
قلتها لابنى وحفيدى
العروبه نهر جارف
جوه قلبى
وف وريدى
العروبه
لما يكل عزمى
تلقى اخويا يشيل بايدى
أنا العربى
والعروبه..
هى عنوانى البريدى