سفرياتها اشكال والوان
تنفيذها لازم ومن غير اوان
اعترض بتكرهني دا العنوان
حاحكليكم يا عالم بهداوه
********
سافرنا في ساعة الفجر
قالت اصحي لحد الضهر
واشعرني باني ليا الامر
متخلنيش منك غضبانه
********
سافرنا في ساعة الصباح
وكان الجو مطر ورياح
قالت عشاني البحر حيرتاح
وحتبقي الموجه نعسانه
*********
سافرنا في وقت الضهيرة
وكان الجو نار وزمهريرة
قالت عاملني زي الاميرة
انا لسه عاشقه هيمانه
********
سافرنا في وقت العصور
وكان البحر فمد وجذور
قالت دلعني واوعي تثور
استحملني انا تعبانه
********
سافرنا في الليالي
وموج البحر كان عالي
قالت اوعي تنام ياغالي
وتسيبني لوحدي سهرانه
********
سافرت بيها فكل الاوقات
لا عاوز شكر ولا تشكرات
خلوها ترحمني قبل الممات
ياناس خلتني في دوامه