حبة قلق..!!
ريحة عرق..!!
جري الوحوش
وسط الملأ..!!
غلّوا السولار
رفعوا الدولار
والمم من ايدنا اتسرق..!!
هيساوي ايه اللي جرى
جنب اللي كان واللي سبق!!!
أنا دمي فيكي اللي اتحرق
وشوفت أوسخ ما اتخلق
شوفت الحياة متبعترة
عزّوا عليها المقبرة
والجاني بيذيع النبأ
حبة قلق..!!
شوفت السجون متكلفة
شوفت الايدين متكتفة
العدل فوق الأرصفة
والحق وسطينا اتشنق
حبة قلق..!!
شوفتوا الهوان ؟
مين السبب.؟
يادي العجب
مين اللي فرّط ف الحلق؟؟
حبة قلق..!!