( 1 )
خليك ع الأرض ماشى
وأوعى تطلع فوق
ازعق وقول ماشى
واتكلم برضه بذوق
دا أنت ع الأرض ماشى
وبكره تطلع فوق
******
عميل» بقلم إبراهيم ياسين » آخر مشاركة: إبراهيم ياسين »»»»» ++ البخيل ++» بقلم أحمد فؤاد صوفي » آخر مشاركة: أحمد فؤاد صوفي »»»»» نظرات فى مقال القتل الانتحارى» بقلم اسلام رضا » آخر مشاركة: اسلام رضا »»»»» عجز اللّسان» بقلم غلام الله بن صالح » آخر مشاركة: غلام الله بن صالح »»»»» السحر فى القرآن» بقلم اسلام رضا » آخر مشاركة: اسلام رضا »»»»» المشاعر لا تموت.» بقلم أسيل أحمد » آخر مشاركة: أحمد فؤاد صوفي »»»»» قطعتي رُخام» بقلم محمد إسماعيل سلامه » آخر مشاركة: أحمد فؤاد صوفي »»»»» "كتيّب العشاق"---خواطر غزليّة» بقلم ابراهيم ياسين » آخر مشاركة: إبراهيم ياسين »»»»» ما معنى اختلط الحابل بالنابل:» بقلم أسيل أحمد » آخر مشاركة: أسيل أحمد »»»»» قراءة فى مقال الشجرة الملعونة» بقلم اسلام رضا » آخر مشاركة: اسلام رضا »»»»»
( 1 )
خليك ع الأرض ماشى
وأوعى تطلع فوق
ازعق وقول ماشى
واتكلم برضه بذوق
دا أنت ع الأرض ماشى
وبكره تطلع فوق
******
( 2 )
سافرت مع موجة زرقة فى حضن البحر
حدفتنى فى موجة تانية مالهاش بر
لاقيت نفسى فى دوامة بتجر
لا أنا فيها حزين ولا بتسر
*****
( 3 )
حبست نفسى فى زنزانة
ملهاش آخر
لافيها حد بيتكلم
ولا حد بيقول اتاخر
وأدى دنيتى أنا وحدى
أنا المسحور فيها
وأنا الساحر
دنيا صغيرة على قدى
بعيدة عن العالم الساخر
*****
[align=center]( 4 )
قلت أعمل حساب للزمن وأوفر
وأحط القرش ع القرش يكتر
يمكن بنت الحلال تقدر تصبر
لما البيت الصغير يكبر
*****[/align]
( 5 )
علمونا إزاى نكتب الحروف
وإزاى نواجه كل خوف
ولما جات فرصة المواجهة
تعالى معانا اتفرج وشوف
*****
( 6 )
يا عينى ع الولد اللى صوته اتنبح
وراح فيها لمـا شـاف الشــبح
بيقرب منه ويقطع كل الصحـف
ويوشوش ف ودنه كان غيرك فلح
*****
( 7 )
زمان هتفنا بأعلى صوت
يا إما النصر .. يا إما الموت
ومرت أيام .. وجات أيام
والخوف جوانا ما له صوت
*****
( 8 )
قلت أعمل لنفسى تابوت
قبل ما تمر الأيام وتفوت
ما احنا فى زمن يا بنى
ما تعرف له حياة من موت
*****
( 9 )
قيس وليلى اتولدوا من جديد
واختلت الحكاية وخلفوا سعيد
تعالى واسمع من عمك قيس
إيه اللى جراله وإزاى بقى شريد
*****
( 10 )
سلمت ف مرة على حوت
ماشى ع الأرض معاه " ريموت "
شتمته وضربته فى خيالى
وورايا ساكن جسدى فى تابوت
*****