( 31 )
خيرونى ما بين الألوان
فاخترت أنا الأسود
قالوا لى ما له الأبيض
قولتلهم بكره يتقبل اسود
قالوا لى طب والعسل
قولتلهم أحلى مافيه الأسود
قالوا لى اتفاءل بالنهار اللى جاى
قولتلهم يا خوفى يتقلب اسود
*****
نازل في خيمة بعيدة» بقلم عبدالحليم الطيطي » آخر مشاركة: عبدالحليم الطيطي »»»»» علّي ضحكتك علّي» بقلم فريد عبدالعزيز » آخر مشاركة: ناديه محمد الجابي »»»»» قراءة في قصة فوزي الشلبي الوردة ليست لك وحدك» بقلم فوزي الشلبي » آخر مشاركة: ناديه محمد الجابي »»»»» إحنا بتوع الكوبري» بقلم محمد إسماعيل سلامه » آخر مشاركة: ناديه محمد الجابي »»»»» همسة!» بقلم احمد المعطي » آخر مشاركة: احمد المعطي »»»»» عميل» بقلم إبراهيم ياسين » آخر مشاركة: إبراهيم ياسين »»»»» عيــــــادة الواحـــة» بقلم ناريمان الشريف » آخر مشاركة: أسيل أحمد »»»»» ومرة أخرى ..//فاتي الزروالي» بقلم فاتي الزروالي » آخر مشاركة: أسيل أحمد »»»»» أمشى أرجوك.» بقلم أسيل أحمد » آخر مشاركة: أسيل أحمد »»»»» الحب يشتعل» بقلم عبدالسلام حسين المحمدي » آخر مشاركة: ابو الطيب البلوي القضاعي »»»»»
( 31 )
خيرونى ما بين الألوان
فاخترت أنا الأسود
قالوا لى ما له الأبيض
قولتلهم بكره يتقبل اسود
قالوا لى طب والعسل
قولتلهم أحلى مافيه الأسود
قالوا لى اتفاءل بالنهار اللى جاى
قولتلهم يا خوفى يتقلب اسود
*****
( 32 )
كتير سألونى عنى وعنها
قلتلهم هاشيل همى وهمها
جيت أدور على همى
صعب عليه همها
*****
( 33 )
يا لى الكورة دايماً فى ملعبك
وعمرها ما طلعت بره آوت
سنتر وباصى وشوت إيه يمنعك
فعمرك ما هيجيلك أبداً آوت
فن الكلام المزوق دا لعبتك
واحنا اللى دايماً فى الآوت
*****
( 33 )
يا لى الكورة دايماً فى ملعبك
وعمرها ما طلعت بره آوت
سنتر وباصى وشوت إيه يمنعك
دا عمرك ما جالك أبداً آوت
فن الكلام المزوق دا لعبتك
واحنا اللى دايماً فى الآوت
*****
( 34 )
ملكت فى ساعة واحدة العالم فى إيديه
لاقيته حته واحدة من طينه وشوية ميه
وصبح فى ساعة تانية مش ف إيديه
حبة تراب رماهم الهوا ف عنيه
*****
( 35 )
حط على شباك بيتنا حمام جم
مكسور الجناح وبينزف دم
سال ع الحيطان وصبحنا ف هم
وجه علينا الليل بجرح ما يتلم
*****
( 36 )
عديت على بحر الهوا
وفردت أنا دراعى
شدنى بحر الهوا
قلت يا دراعى
سألت عن جنيته
فردت مافيش داعى
وابعد عن سكته
دا الغدر فيه راعى
*****
( 37 )
قلبى قايد فيه النار
للى بيحصل ف الدار
قالوا نبنى أقوى جدار
صرخت لأهـ .. هاضرب بالنار
*****
( 38 )
شفت ألوان كتير متلونة ع الخدود
الأبيض لون الفل والأحمر لون الورود
بس عمرى ما شفت ألوان كتيرة قوى
إلا على جناحين الحمام وع الحدود
*****
( 39 )
الأستاذ الكبير قاعد على مكتب
جاله الفراش ومعاه واحد سحلب
مرة يشطب والتانية يشرب
قال إيه الأستاذ بيكتب
*****