( 58 )
البنت دى أحلى بنت أنا شفتها
فى رسمها ووصفها واسمها
البنت دى مش أى بنت عرفتها
البنت دى جوه القلب نبضها
*****
دموع ... وأشياء أخرى» بقلم آمال المصري » آخر مشاركة: ناديه محمد الجابي »»»»» لن أفقد الأمل.» بقلم أسيل أحمد » آخر مشاركة: أسيل أحمد »»»»» ألا بذكر الله تطمئن القلوب .» بقلم أسيل أحمد » آخر مشاركة: أسيل أحمد »»»»» شقوة» بقلم غلام الله بن صالح » آخر مشاركة: أسيل أحمد »»»»» تطاول» بقلم الفرحان بوعزة » آخر مشاركة: الفرحان بوعزة »»»»» قراءة في مقال الطاقة الروحية براهين من العالم الآخر» بقلم اسلام رضا » آخر مشاركة: اسلام رضا »»»»» إحنا بتوع الكوبري» بقلم محمد إسماعيل سلامه » آخر مشاركة: ناديه محمد الجابي »»»»» قطعتي رُخام» بقلم محمد إسماعيل سلامه » آخر مشاركة: ناديه محمد الجابي »»»»» قراءة فى مقال آثار غامضة ... هل هي أكاذيب أم بقايا حضارات منسية؟» بقلم اسلام رضا » آخر مشاركة: اسلام رضا »»»»» المعية الإلهية فى القرآن» بقلم اسلام رضا » آخر مشاركة: اسلام رضا »»»»»
( 58 )
البنت دى أحلى بنت أنا شفتها
فى رسمها ووصفها واسمها
البنت دى مش أى بنت عرفتها
البنت دى جوه القلب نبضها
*****
( 59 )
مين اللى دبح الديك وكال الفرخة
مين اللى دمع عنينا وموت الفرحة
مين اللى دبح ف القلوب وخِتم بالقرحة
مين اللى دمع عنيه مليانة بالفرحة
*****
( 60 )
مليت فرجة على بعضنا البعض
وزهقت من قاعدتنا جنب بعض
لازقين لزقة ماشفتهاش على حد
كأننا هانموت وبنموت لو سبنا بعض
*****
( 61 )
قلت الفرج جه خلاص
وانحلت الأزمة وجه الخلاص
انقتل أخويا كفايه خلاص
قالوا لى لسه معانا رصاص
*****
( 62 )
خمسين طعنة شقت القلب وشرحته تشريح
واندفن جواه الحزن من غير إذن ولا تصريح
وانكفت دمعة م النِن نشفت دم الحلم الدبيح
وانفرط م الحلق كلامه لا همس ولا تلميح
*****
( 63 )
مابقتش أصدق حد
لا بهزار ولا بجد
دا كل يوم على ضهرى
مليون جبل بيتهد
*****
( 64 )
فراق ووصال ... خصام وصلح
جنة ونار ... سكر وملح
وأنا وحبيبتى فى الدنيا عايشين
بنفس واصل ما بين سهم ورمح
*****
( 65 )
كل دى أحلام
أحلى م الأحلام
سهلة جداً تحقيقها
بس لما أنام
*****
( 66 )
هموم وباشيلها وبركنها على جنب
لأن فاعلها أحياناً مالوش ذنب
وليه ألوم غيرك يا قلبى
وأنت اللى دايماً مليان بالهموم والغلب
*****
الشاعر الجميل سامح الشبة تحياتى لك ومودتى