الطمع يقل ما جمع.» بقلم ناديه محمد الجابي » آخر مشاركة: ناديه محمد الجابي »»»»» ((..جمرُ الدمعِ..))» بقلم هبة الفقي » آخر مشاركة: ناديه محمد الجابي »»»»» يد طفلة» بقلم محمد إسماعيل سلامه » آخر مشاركة: ناديه محمد الجابي »»»»» ابتهالات.» بقلم ناديه محمد الجابي » آخر مشاركة: ناديه محمد الجابي »»»»» نسجل دخولنا بذكر الله والصلاة على رسول الله» بقلم عوض بديوي » آخر مشاركة: ناديه محمد الجابي »»»»» نظرات في مقال البحث عن الكنوز المفقودة .. ما بين العلم والسحر» بقلم اسلام رضا » آخر مشاركة: اسلام رضا »»»»» شقوة» بقلم غلام الله بن صالح » آخر مشاركة: عبدالحكم مندور »»»»» همسة!» بقلم احمد المعطي » آخر مشاركة: عبدالحكم مندور »»»»» يا رُوح روحي» بقلم محمد إسماعيل سلامه » آخر مشاركة: عبدالحكم مندور »»»»» قلعة الهدى» بقلم محمد محمد أبو كشك » آخر مشاركة: عبدالحكم مندور »»»»»
( 67 )
فاتت سبعة وستين وعشنا بعد أكتوبر
وشربنا مانجة على تين ودخنا كمان سوبر
وآدى حالنا بقاله سنين مستنيين السوبر
يجينا وإحنا عايشين وبنفرح بأكتوبر
*****
( 68 )
يا لى مستنينى أغنى ما تستناش
وأحسن لك تبعد عنى ولا تترجاش
دا أنا صوتى قريب منى رخيص وبلاش
وإزاى راح أغنى ع اللى راح ولا جاش
*****
( 69 )
نلتقـــى بعـد الفــاصــل
اللى مابعدهوش فـاصــل
نلتقى مع اللى فات ومات والحاصل
ونسيبنا من اللى وصل وصبح واصل
*****
( 70 )
يا بختك يا عم الديك
نجيت من المدبحة
من بين كام مليون ديك
راحوا ع المشرحة
دعتلك أمك رب ينجيك
وما تتفرمش ف المفرمة
وتلاقى حد يفديك
ويبعد عنك حبل المشنقة
*****
( 71 )
ريشة ولعبت فى راس الفنان
هاتوديه على المورستان
جاتله فكره إنام إيه ... جنان
يا يلعب ف الآوت .. يا يلعب بالألوان
*****
( 72 )
ونقول كمان وكمان وكمان وكمان
دا بيلعب ع العود وع الكمان
ماسك كل الأوتار وكمان
كل الآلات صبحت ف خبر كان
*****
( 73 )
حطيت لسانى جوا بٌقى وسكت
ونزلت إيدى العالية اللى فوق لتحت
وكلفت عضمى الهش بلحمى ونشفت
وأقفلت عينى ع النن الأسود ومٌت
*****
( 74 )
بيرسم بالنار والبارود لوحة
خالتنا ف دوامة صابتنا بالدوخة
بكينا والبٌكى غالى ودموعنا مطروحة
وإيه يفيد البٌكى وكلمتنا مدبوحة
*****