( 75 )
لا هاقول لا عنب ولا امشى يا حمار
ولا هابقى واحد شاطر من الشٌطار
طالع واكل نازل واكل زى المنشار
لأنك أنت السبب .. ما ترد .. يا حمار
*****
* عندما عطس عنتور*» بقلم أحمد فؤاد صوفي » آخر مشاركة: ناديه محمد الجابي »»»»» ** قصـة مريـم العـذراء **» بقلم أحمد فؤاد صوفي » آخر مشاركة: ناديه محمد الجابي »»»»» ابتهالات.» بقلم ناديه محمد الجابي » آخر مشاركة: ناديه محمد الجابي »»»»» نسجل دخولنا بذكر الله والصلاة على رسول الله» بقلم عوض بديوي » آخر مشاركة: ناديه محمد الجابي »»»»» ++ ابني يكتب قصة ++» بقلم أحمد فؤاد صوفي » آخر مشاركة: أحمد فؤاد صوفي »»»»» قراءة فى مقال أنين الموتى ورعب القبور» بقلم اسلام رضا » آخر مشاركة: اسلام رضا »»»»» قراءة فى مقال أغرب القوانين حول العالم» بقلم اسلام رضا » آخر مشاركة: اسلام رضا »»»»» خواطر حول مقال أغرب مسابقات ملكات الجمال» بقلم اسلام رضا » آخر مشاركة: اسلام رضا »»»»» قراءة في مقال الحيوانات تنطق وتتكلم حقيقة أم خيال؟» بقلم اسلام رضا » آخر مشاركة: اسلام رضا »»»»» الموضة الممرضة والقاتلة» بقلم اسلام رضا » آخر مشاركة: اسلام رضا »»»»»
( 75 )
لا هاقول لا عنب ولا امشى يا حمار
ولا هابقى واحد شاطر من الشٌطار
طالع واكل نازل واكل زى المنشار
لأنك أنت السبب .. ما ترد .. يا حمار
*****
( 76 )
نويت اتكلم وأعيش بالهلس
وبصوت مسموع وواضح مش بالهمس
بصوت يدوى ويفرقع ف الدنيا وبس
وأبقى مشهور لو حتى قالوا مسو مس
*****
( 77 )
جه عيد ميلادى وعدا
لا فتحت فيه صور ولا عكا
ولا بنيت فيه سور ولا سيكا
واقف مكانى ومحتاج لى زقا
*****
( 78 )
هاموت إمتى أنا ما أعرفش
على سريرى نايم ولا ف بطن قرش
على خط الاستوا ولا جرينتش
مفلس أو مديون ولا ف جيبى قرش
*****
( 79 )
حرية يمين وشمال
وكله عال العال
متمنجهين ومين قال
حالنا اتعوج ومال
***
( 80 )
تعرف عنى إنى أنا وِحِش
والكدب ف وشى بان واتفِرِش
لو تعرف عنى صحيح كدا
لَطِلِع الكلام بردان مِرتِعِش
*****
( 81 )
غنى لى أغنية قديمة طويلة وطول
وقول الآهـ م القلب بحرقة ومول
وطول سكاتك شوية وقول م الأول
دا أنا بحب بلدى وعمرى ف يوم ما اتحول
*****
( 82 )
دا جيوب كتير مِننا فاضية وجعانة
ليلنا يتقلب صبحنا وفطارنا عشانا
وجيوب كتير مِننا مليانة شبعانة
واكله كتير حقنا وبفلوسنا دفيانا
*****
( 83 )
جات علينا الدنيا بميت مليون حال
نبات ف حال ونصبح ف حال ونام ف حال
يتعدل المايل ويتغنى اللى على قد الحال
ونموت وبنردد .. دوام الحال م المحال
*****