عَ بالنا الباشا باشا
************
عَ بالنا الباشا باشا
أثريتُو الباشا زلمة
كل يوم يطلع عالشاشة
وبحركاته الغشاشة
بِغْسل مخ الشعب الصامد
بِدّو يعمل حالو قائد
عم يخدعنا
وعم يلدغنا
ومن طيبتنا صدقناه
وما كنا عارفين نواياه
**************
كنا بنبني عليه آمال
للتحرير وللنضال
لكنُّه خيب أملنا
وضيع لنا كل احلامنا
**************
بِرْفع ايده بْكَلبشات
للتصوير وللكاميرات
عامل حاله شايل هموم
وعايش عالمُر والزقوم
وشو هالعيشة يابو هموم
زنزانتك خمس نجوم
فيها ساونا وفيها دِش
وتلفون دولي وفيها سويتش
من شو بِتعاني يا مسكين
عايش عيشة سلاطين
**************
كنا بنهتف لك ونصيح
لما قررت الترشيح
خبّيناك لوقت الشِّدِّي
لَنْحقق هالحلم الوردي
لكن هالفلم اللي مَثَّلتو
بايخ مثل الفلم الهندي
**************
خذ مني الحكمة يا مروان
مهما يغريك الشيطان
ذيل الكلب بِظَلّو أعوج
مهما تْشِدّو رح يِتْطَعْوَج
كَرْتَكْ إنتَ حَرَقتو بإيدك
كل أفلامك ما بِتْفيدك
وِبْنِحْمِد ألله إنا عْرِفناك
وِعْرِفْنا حقيقة نواياك
وما رح ننسى اللي فات
وإنك تِرْبايِة عرفات
*************
TAWFIK