/
/
/
يارب فضلك علينا = فاض ومالو حدود
واحنا عبيد نعمتك=رب الكرم والجود
تمِّم علينا السلام = وتمم المرحمة
واشملنا في عصمتك = من شرنا لنعود
******
لا شماتة تنفع يا سيدنا =انما العبرة
راقد بكرسي ف قفص =هتموتو الحسرة
لو كان دري بلوته = كان مات متين مرة
لو يعرف اللي انكتب = كان هجنا لبرة
******
الظلم آخرو الندم = يدهن قلوب ووشوش
والغدر للمؤتمن= اخره الهروب والخوف
ودعوة المظاليم = تحت العذاب تتعان
لما يحين وقتها = قدر الآله هيشوف
*****
ياما الصلف هدِّنا = منِّك وقلنا الآه
وشربت من دمِّنا = مخ و عصب وياه
كاسك دا مين يشربه = سكران وتاه ف خطاه
يارب عدلك قضا = والمرحمة جواه
******
صعبان عليا العلاء = احساس مَ بعرف ليه
سواد عمايل ابوه = طرطش وجاب رجليه
وجمال أخوه التكبر= وارث سعادة البيه
فرعون خلاص انكسر = غرق في ظلم اديه
*****
يارب من حكمتك = تقدَّر المظاليم
ويحفضوا بقلبهم = إنك عطوف ورحيم
يا عدل مين ينقضك = ودا إسم رب كريم
استرنا في رحمتك = داري عيوب وهموم
//
/
/
كل عام وانتم بكل خير ورحمة وبركة
رمضان مقبول
دمتم مبدعين