.
..
....
......
.........
يا بُكْرَه يا مْحَمِّل سَفَينَكْ
بالعَذَابْْ
.........
......
....
..
.
يا بكره يا محمِّل سفينك
بالعذاب
الشَعر شاب
والقلب داب
خايف على حلمه المعشش
جوّه نبضه يصير خراب
والفرح غاب
شايف خيطان توب الطريق
مغزوله ميت مليون
سراب
يا بكره يا محَمِّل سفينك
بالعذاب
يا بكره يا مكتِّف سنينك
الاكتئاب
انا عمرى ما افتح أى باب
للإنسحاب
انا عشقى سابح ف السما
زى السحاب
انا عشقى مكشوف انما
قدامه ميت مليون
حجاب
فى البحر عاتى مركِبُه
وقلوعه صامده لأى موجه
من العتاب
يا بكره قول مين
اللى تاب
عن عشقه مهما
الكل عاب؟
مين اللى ساب
روحه تفيض لو سهم
صاب؟
أمل الصبور عمره ما ضاع
لو حتى يوم ف العمر
خاب
وانا قلبى صابر مقتنع
راضى انا ليوم الحساب
يا بكره يا حالف تفوتنى
ف التراب
" حَمِّل سَفِينَكَ ما تشاءُ
من العذاب"
واكتب نهاية حلمنا
فوق كل صفحه
من الكتاب
واقطع طريق النور
ودوْر بالمشنقه ورا
كل باب
" فأنا وقلبى مؤمِنَينِ برَبِنا
ولكل عمرٍ منتهىً"
واهو كل قلب ولُه
مناب
أحمد فؤاد هاشم