( وحل القلم ) محمد محمود شعبان
.
.
... .
.
قوم
يا اللي جايبلي الكافيه
وعادم أهلي العافية
بايديا ابريك على غيري
وسنونك سكاكين حاميه
وبعد عيوب واتاريها
مسجونه في نفسي العاميه
مفتاح الكاتب قلمه
وف قلبه خزاين غاليه
يفتحها تفرفط منه
وتغرق أوراق خاليه
طب جرب وشوش قلمك
واحكيله مشاعر خافيه
على طول هتصاحبه ويمكن
متسبش إيديه ولا ثانيه
وخصوصا إنه حنين
وعواطفه أنهار جاريـــــــــه
وكتير بيطاوعك لكن
غدرته محتومه وهـــــــاريه
وحقيقتك لو بير ضلمه
على طول كده تطلع عاريه
راح يفضح قلمك قلبك
وتخر إيديك ولا داريه
في ضميرك عمَّاله تحلب
تعصره وبأعصاب هاديه
عيد كده أفكارك واقرا
هتلاقي نفسيتك باديه
========================
تمت بحمد الله ، والله من وراء القصد
حمادة
مصر ـ الزقازيق ـ محافظة الشرقية