عبير الورد و الياسمين
دابو ف شعرك المفرود
و ليل العشق و العاشقين
لوّن ف العيون السود
يا ساكنة القلب و النني
سمارك لونه جنني
و صوت همسك ملاني وجود
تعالي متبعديش عني
أنا اللي بادوب و مستني
غرامك ليا تاني يعود
تعالي و كمّلي جميلك
شيليني زي ما بشيلك
أنا محتاج افضفضلك
و اضمك و افضل احكيلك
دا طول ما انتي بعيد عني
باحس كإني مش موجود
يا كل العمر و الأحباب
باموت و معدشي ليا اصحاب
انا لو قلتلك عايش
قوليلي بأعلى صوت كداب
خلاص الشوق على أخره
و نادى الوعد للموعود