يارب هات نصرنا
*
*
*
يارب وف شدتي *واقف على بابك
والدمع يحكي الهموم وخلاصها محرابك
مين ينجد المظاليم ويعدِّل المايل
من بين إيدين مفتري غادر مبيهابك
قتلونا في أرضنا وادي الميدان شاهد
والأيد على قلبنا مين راح مهُش عايد
وعظيم قوي شعبنا شاف الآمل جاهد
ثورتنا فوق الحجر واقفة ماليها معين
بيشق في صفها عسكر لئيم ولعين
ملهاشي غير قدرتك هتوحَّد الثايرين
ماشيين بأرض الشوك رغم التعب مانميل
وادي الثقة في ربنا مش في البشر ما تميل
يارب شيل مصرنا وقت الشدايد شيل
تعلب تعالب تصبَّح مصر و تمسِّي
بتدور تخطط خطط لا بتهدى ولا ترسى
لاجلن يعود ذُلنا ويعسكرو الكرسي
يارب شوف ضعفنا إحنا بشر مساكين
بايدينا يطلع إيه فعصابة الشياطين
يارب هات نصرنا من دينّا دانت معين
إنته الإله الأحد وإنته الإله الصمد
دبِّر لنا بحكمتك و انجد بلادي بمدد
تقصف رقاب مكرهم و تعزِّ مصر الأبد
اللهم آمين
*
*
*
دمتم مبدعين