ونسج خيوطه العنكبوت
على حلم أخضر
فوق كفوف الحب
مش ممكن يموت
واتزلزلت فينا الأماني
والأغاني اتشرنقت
جوه الحناجر
والضلمه حلفت لم تسافر
أوتفوت
الضلمه حلفت ميت يمين
لا فيه أدان ولا صوت بلابل
فى الغيطان
غير رعشة الخوف الجبان
عاليه بتصرخ
جوه فى قلب التابوت
والخوف فرد مليون جناح
والكون هرب منه البراح
ولا فجر.جه شقشق
وسمعنا الآدان
سمعنا حى على الصلاه
أوحتى حى على الفلاح
ولا حتى فيه نسمة صباح
مخنوقه ليه فينا الجراح
مخنوقه ليه كل الأمانى
الطيبه وليه بنبكى ع اللى راح
الحلم مش ممكن يموت
الحلم نبضه ف قلبنا
دقاته صوت بيقولنا
لازم يموت العنكبوت
ونمد للحلم اللى ساكن
قلبنا...نبض الحياة
ونمدله طوق النجاه
لجلن مايطرح حلمنا
ويلمنا ونعيش معاه
ولا يبقى فينا العنكبوت
والضلمه تطرح فينا ضى
تطرح بنفسج أو ياقوت