لجل التخلص م السنين المزمنة
إتوحدت كل القلوب والألسنه
والشعب ثار ........
أسقط بإيده نظام غبي
ساعد كتير الأجنبي
خلى الجميع عايش في عار
علي أهل غزه الطيبين فرض الحصار
ساند كمان جيش التتار
ولا حتي قدم إعتذار
ل أرض بغداد الأبيه
نظام عميل باع القضيه
خلى مصر الطيبه تبقي مطيه
تمد إيدها للبلاد الأجنبيه
لجل ماتاخد معونه بكام دولار
خلانا مالناش إعتبار
همش علاقتنا مع دول الجوار
وطدت علاقته بإسرائيل
للغرب كان أكبر عميل
باع المبادئ والقيم
بتمن رخيص بتمن هزيل