وأيه يعنى يموت الحب
بين ضلعك
وتكْسر موجة الأحزان شراع
قلعك
ويتْخفّى كلام الحب ف بْحورك
تتوه البسمه مطْفيه
وتطفى معاها ضوء نورك
وتنزل دمعه وقتيه مليها الخوف
من غْرورك
......وأيه يعنى اكون حبيت؛
ولّا نولت الامال بيكى
وايه يعنى عافرت سنين
أطبب م الجراح بأيدى..واشفيكى
وايه يعنى اغْتسلت بْنار
وايه يعنى يكون ريقى مرار صبار
وايه يعنى اهد جبال مع اسوار
لارضيكى
وبعد سنين من الغربه
بأرَاضيكى
تقوليلى وايه يعنى
وايه تانى هيرضيكى
.....هيرضيكى ىتتوهى سنين
مابين معجب
وبين هاوى
وبين فاسد
بيغويكى
هيرضيكى...تكونى زهره مقطوفه
يشم الجاهلين فيكى
وبعد سعات يموت عودك
وتبدبل نضره بخدودك....ويرميكى
..وانا الحالف اكون حارس
وصاين عمرى ما اخالف..وافديكى
هيرضيكى اعيش بعدك سنين خاينين
اجيب سيرتك كما المجانين
ابيع نبضى مع البايعين
مانا العاشق
وانا الهاوى
وانا الغاوى ؛انا المسكين
عشقتك نسمه بدريه مع العاشقين
وشوفتك ورده شرقيه فى حوض ياسمين
هويتك قبل ما اشوفك
ولا اتعرف على حروفك
وكحل العين
هويتك حلم بيغامر
يطوف ع الروح
كما السكاكين
هويتك نجمه بمنامى
وقمره شايفها وين ما بروح
صبحت سجين
حروف اسمك
بشخبط ع الجدار رسمك
واتوه حاكى انا لوصفك
يعيب الناس عليا كتير فغازلهم
وادور تانى افكرهم وافتكرك
فافهمهم
تطير الروح ..وانا بالروح بعلمهم
ونبض جميل دا جوايا
يقول العشق دا حكايه
وشى مكتوب
فباسرهم
وان هوايا جوايا وانا المغلوب
فحيرهم
بحسنك ارسم البسمه واشكلهم
رسمتك جوا قلب الناس
جواب مكتوب
امل احساس
فحبيت الامل فيهم
وضحكت شوق ولليل وناس
تجمل نظرتى ليهم
ومن حبك شربت الكاس
وصبيت الهوى اسقيهم
كتير قالو هواه مجنون
وشفتيهم.....
وناس قالو جسد مسكون
ولا قولتى...ظلمتيهم
كتير شافنى ملينى الخوف
ولاخوفتى...وسبتيهم
ووقت الشوق يموت مخنوق
واهو خونتى...وبعتيهم
سافرت بحورك الضلمه ساعات وايام
ولا هونتى
وف الاخر وايه يعنى هواك
اتباع
وصدقتى
وف الاخر طلع خداع
....وايه يعنى يكون خداع
وايه يعنى هوى واتباع
وسلم نفسه للتدمير
وايه يعنى غروره كبير
وايه يعنى يكونلى ضمير
وايه يعنى هروبى لبير
.....
وايه يعنى كلام الناس
وايه يعنى صبحت مداس
هتشرب بكرا نفس الكاس
ويتكسر غرور فيها
وتبقى زليله وسط الناس
ودمع العين يغطيها
وايه يعنى اكون ليها
ومتكونليش
وايه يعنى ملانى الطيش
هموت او اعيش وايه يعنى
يارب خلاص متوعدناش
وزود غربتى ليها