لو انته لطيف
متتبرعش وتحلل
ولو حللت
بلاش ف عنيها تتجمل
بتجريحى
وسيب ليلى
عايش جوايا
ومعايا
نهار مشنوق على دراعى
وكفايه
حزينه عيونها علشانى
عليا بتبكى أيامها
شوف لونها
متتغرش
بسمرة طيف بألوانها
بثورة صمتها الحانى
ودمع الوجد ف خدودها
شوف شوقها
فارش كام ضله حواليا
شوف عودها
لوحده اترسم ليا
إيش لونك !
ياريت متجيش بأحقادك
وتخدع قلبك العامى
وتتفلسف
على حدودها
وتبدى العشق أدامها
على اعتابها
بلاش عالباقى من روحها
بغل ف قلبك الأعمى
تجورعلى روحى وتكمل
لو انته لطيف