رغم الالام
رغم الجراح
رغم الدموع
مش هنكسر
مش ممكن اعلن الخضوع
وبقولهالك يا دنيا لو انتى بتعاندينى
وعايزالى الجراح
مهما جرحتينى مهما ظلمتينى
مش هبكى على اللى راح
انا اقوى من كل الالام
هفضل لآخر عمرى صابر
جوايا نور يطوى الظلام
مهما يكون جبار وقادر
لو يوم تغيب الشمس عنى
مش هنكوى بنار الليالى
هنزل فى بحرك مش هخاف
لو حتى شفت موجه عالى
عرفت من ظلم السنين
ازاى ما اكسرش القلوع
واعيش بنور قلبى الحزين
لو انطفت كل الشموع
خلاص بطلت اتألم
لما الدموع بتكوينى
لأنى قدرت اتعلم
أزاى اشيلها من عينى
بير الدموع اللى اتحفر
خلاص بسده بإيدى
رحلة جراحى من القدر
قوت حياتى اللى جاية