شـــــــــــــايل شنبى فــــ درج المكتب

إهداء

الى روح فتى تونس الاول وباعث الروح الناهضه فى امه الشعر والشعراء
الى شهيد الحب والثوره ؛ عاشق الكلمه الحره ومناضل الشعب
اليك يا حبيبى رحمه الله عليك يا (استاذى ) رحمه الله عليك يافتى لم يتكرر وجوده
اليك يا ( ابو القاسم ياشابى )


كانا وكانا ؛ ولسه ياوالدى ياما هيكون
بس كفايه ياوالدى حكاوى
وإسمع مره كلام الهاوى 1
ركز َ
هعرف
إنك ناوى
تعقل حكايات المجنون


إبنك قالوا عليه من صُلبك
بس إسمحلى ياعم هقلك
صُلبك داب وإتحول ميه
لما شباب البلده اتمدن
لما غُراب البين إتلون
(وانا )
ثورجى بدراع مشلول
بحكى واغنى ع الخلان
وانسى همومى بضحكه بريئه
ِتِولع فيا نار وحريقه
لما بشوف طيف السجان
بمــــــــــــــشى
تاخدنى سفينه غريقه
وارجع تانى واثور على نفسى
واقلب تانى ( لضد الضد )
يعنى تملى لنفس النقطه بعود من تانى

قالوا عليا إبن امبارح
بس إمبارح قال مش منى
بس استنى يابُكره مكانك
متجيش قبل ما اصفى حسابى ويا الامس
بــــــــــــس خسـ،ـا ره
إبنك يابا عكازه مكسور
شعره الشايب ؛ حنه شعب ضعيف مقهور
شعب بيقلع جلده ياوالدى ومش خجلان
زى ما قال ( الشابى ) زمان
إرفع إيدك واعصف بيها خدى الايمن؛ تلو؛ الأيسر
إضرب فيا يمكن يسخن دمى البارد
يمكن أَنــسى
وابطل افكر
يمكن انسى ؟
يارتنى راح اقدر
بص هقلك
إعمل يلا معايه مداخله وإضحك فيها
( مش عجباك ) ؟
طيب
إجرى ورايا وهحلق شنبى لو تلحقنى
(أيوه بتضحك )
علشان عارف انى اساسا شايل شنبى فــ درج المكتب
( يمكن أعجب )
أصل قالولى مكبر شـــــــكلك
( لاء مش هتعب )
إجرى ورايا بس هتعرف إنى أساسا رابط رجلى فى رجل الكرسى
يعنى هتجرى
مش هتشوفنى
أصلى مكسل أرفع حاجبى
إوعاك تسال مال الجرى ومال الحاجب
منتش عارف إن الغابه ورودها عقارب ؟!
ما هو على يدك
عارف إنى مهندس كميا
إوعى تقلى نسيت تقديرى ؟
متفكرش...
نص الميه وضاربه فى ميه
يعنى تمام خمسين فى الميه
بس الكميا إتفاعلت عندى
طلع المدنى.. يرسم كُبرى
كسبر ميدو ذاك فى الحضرى
نزل المنجم نصب الفخ
بس استنى بقلك أخ !
دا انا ( تعدين )
سبنى أخرف بس ياوالدى
يمكن أعرف ( مين مع مين )
حتى طلاسم فيزيا حروفى فقدت موج المغناطسيه
( أُميجا ؛ وجَاما ؛ وإيتا ؛ وبيتا ؛ وشُرُرُم بُرُرُم)
ألف تحيه
الف تحيه لكل نواه حاضنه ف برتون
الف هديه
الف هديه لكل معادله يوم بكاملها وبنـــــــ سى الثابت
والقى الفكره تفاضل عندى
يعنى بمعنىأصح إتهزت منى وسابت
تكتب مره ؛
بشعرمقفى
واكتب مره
بروح الحر
واللى بيفهم ...
راح يفهمنى
واللى مطنش
( لا تعليق )
أصلك عارف إنى فـــ بحر الحب غريق
الف أميره شغلت بالى
واما بيجى الموج العالى
بمسك نفس الشط واسَبح
واما يروح الموج بغبائه
تلاقينى
علطول بيتحول ع الخماره
واشرب ؛؛ واسرح
زيى زى شباب الحته
لسه شريف

( متبرقليش )
ايوه شريف
والله شريف
وانت شريف
بس العزبه مش علشانا
لإنى ضعيف
أيوه ضعيف
وانت ضعيف
عبد الجوع والخوف ولوازمه
عبد رغيف
بس اسمحلى بأخر كلمه قبل النوم ما يغمى عنيك
دا انت ياوالدى ميت ..ميت
ثور لكرامتك . وانا هفديك

1 ( الهاوى ) هنا بمعنى الساقط من اعلى وليس المحب او صاحب الهوايه

اهلا اهلا بك اخى العزيز
الاستاذ نور

اشكرك لتلبية الدعوة

اسعدنى ان اكون اول المستقبلين لاعمالك هنا
تحياتى ومودتى لك

	الغالى نور نصك وراءه شاعر وشاعر متمكن من أدواته تحية لتواجدك هنا بين محبينك فى انتظار المزيد من أعمالك الخفيفة والثرية

اقف احتراما له ولك

محبتي وتقديري
جوتيار

اهلا اهلا بك اخى العزيز
الاستاذ نور
اشكرك لتلبية الدعوة
اسعدنى ان اكون اول المستقبلين لاعمالك هنا
تحياتى ومودتى لك

دكتور فوزى الشكر لك انت على دعوتك لى للمشاركه فى هذا البيت الحافل بكبار المبدعين
وارجو من الله ان اكون عند حسن ظنكم

تحياتى
نور

الباشمهندس / نور مهران

أهلاً بك في هذا المنتدي الحافل بأدباء العرب ..
ما قرأته ينم عن شاعر يمتلك أدواته لحد السخرية ..
هذه السخرية الهادفة الواعية الناقدة لسلبيات الواقع ..
فدائماً نقول إذا تناولنا السخرية فعلينا أن نتناولها لغاية كما فعلت أنت بهذه القصيدة ..
شكراً لك أخي نور مهران
ورجا التواصل
نبيل مصيلحي

الباشمهندس / نور مهران
أهلاً بك في هذا المنتدي الحافل بأدباء العرب ..
ما قرأته ينم عن شاعر يمتلك أدواته لحد السخرية ..
هذه السخرية الهادفة الواعية الناقدة لسلبيات الواقع ..
فدائماً نقول إذا تناولنا السخرية فعلينا أن نتناولها لغاية كما فعلت أنت بهذه القصيدة ..
شكراً لك أخي نور مهران
ورجا التواصل
نبيل مصيلحي

اهلا بحضرتك استاذ نبيل شاكر مروك وترحيبك بى ولكنى اتعجب
من اين عرفت ان القصيده واقعيه واننى بالفعل ملحتق بكليه الهندسه بيد انى قمت بتاجيل الدراسه بعض الوقت

اخيرا شاكر لك استقبالك وترحيبك بى ودعنى امتدح لك فراستك القويه التى علمت بها ان القصيده واقعيه ..........
دمت بخير

أشكرك أخي نور
ويسعدني معرفتك ..
خالص ودي
نبيل مصيلحي

	الغالى نور نصك وراءه شاعر وشاعر متمكن من أدواته تحية لتواجدك هنا بين محبينك فى انتظار المزيد من أعمالك الخفيفة والثرية

الاستاذ الجميل علاء عيسى
اسف لتاخر الرد
الشكر كل الشكر لترحيبك بى استاذى الفاضل
لك منى كل التحيه

اخيك نور

أخي الشاعر الجميل/ نور مهران

تحيةً لمن وجّهتَ له تحيتك.

وتحيةً لصاحب التحية.

وقبل التحيتين تحية لقصيدتك الجميلة التي تنبئ عن شاعر جميل، ذي روح شفافة، يشعر بجرح الأمة ويشاركها آلامها بما يملك من سلاح الكلمة.

أهلاً بك في واحة الخير، حيث النخبة والصفوة من المبدعين الصادقين، وحيث الحلم الواحد، والهدف الواحد.

تحياتي وتقديري.