عشانك

	عشانك من حتة طين مخلوطة بمية نيلك جيت وعشقت غناك ومواويلك وعشقت الليل والنور وعشقت النسمة اللى تغازل وش الصفصافة الضليلة والعصفور الأخضر المرفرف فوق أغصانها يشبه عصافير الجنه وعشقت المسقى بطحالبها والبقرة اللى بتسبح فيها وعشقت الخاله اللى بتزرع الحدود بالتوم واللوبيا وعشقت الصياد النيلى وهو بيفرد قبل ادان الفجر وبين احضان البرد خيوط الجوبيا وعشقت طيورك مفروده على كل سطوحك وعشقت جدودى وهمه فاردين ع الحيط الخيط لاجل حصيرة جبنه وعشقت شتيمهم ليه لما اصفى البراد من تفله واكبه عاوزين دور تانى منه شاي مزر ود ومغلي على نار أحلامهم كانت أحلام مشروعه لقمة عيش منزوعة الذله وحتة أرض يداعبوا فيها جمال الطله يسقيها الجد من عرقه المتقرص ملح ويورى العالم كله فنون الفلح وينام ع الأرض مزاجه تمام لا يكون داين يوم لحد ولا حتى يكون لحد مدين فينام مرتاح البال كانت أحلام مشروعه لما يتوجه يدعاه لله لأجل البقرة التعبانه تطيب وتشاركه الناس فى دعاه كانت أيام عاشوا حافظين للعهد العمر داكله ما زاغوا فى يوم على حد ولا بيحبوا حد يزوغ على حد وإحنا الأحفاد نتزايد زى السيل ولا عدنا بنعرف نركب ضهر الخيل ولا نزرع أرض العقل خلاص تشتت بين الأوهام أصبحنا رهينة والجد خلاص هناك.... بين الجدران الخرسانه تهالك لكن متمالك وبيسأل جدى ليه الواحد يلبس توب اكبر من توبه انا ياما حكيت وقلت ولا حد بيسمع والحال.......... أوحال وعصاية جدى خلاص مش عادت قادره ضربتها السوسه وانزفت امى لعدوى عروسه ولأنى حتة طين مخلوطه بمية نيلها ولنى عشقت ضحاها وليلها ولأنى عشقت الغيط والبيت ولأنى عشقت فداها الموت ضحيت شعر / محمود الديدامونى عضو اتحاد كتاب مصر

من حتة طين
مخلوطة بمية نيلك جيت

مدخل القصيدة قوى جدا

انت ائع

	عشانك من حتة طين مخلوطة بمية نيلك جيت وعشقت غناك ومواويلك وعشقت الليل والنور وعشقت النسمة اللى تغازل وش الصفصافة الضليلة والعصفور الأخضر المرفرف فوق أغصانها يشبه عصافير الجنه وعشقت المسقى بطحالبها والبقرة اللى بتسبح فيها وعشقت الخاله اللى بتزرع الحدود بالتوم واللوبيا وعشقت الصياد النيلى وهو بيفرد قبل ادان الفجر وبين احضان البرد خيوط الجوبيا وعشقت طيورك مفروده على كل سطوحك وعشقت جدودى وهمه فاردين ع الحيط الخيط لاجل حصيرة جبنه وعشقت شتيمهم ليه لما اصفى البراد من تفله واكبه عاوزين دور تانى منه شاي مزر ود ومغلي على نار أحلامهم كانت أحلام مشروعه لقمة عيش منزوعة الذله وحتة أرض يداعبوا فيها جمال الطله يسقيها الجد من عرقه المتقرص ملح ويورى العالم كله فنون الفلح وينام ع الأرض مزاجه تمام لا يكون داين يوم لحد ولا حتى يكون لحد مدين فينام مرتاح البال كانت أحلام مشروعه لما يتوجه يدعاه لله لأجل البقرة التعبانه تطيب وتشاركه الناس فى دعاه كانت أيام عاشوا حافظين للعهد العمر داكله ما زاغوا فى يوم على حد ولا بيحبوا حد يزوغ على حد وإحنا الأحفاد نتزايد زى السيل ولا عدنا بنعرف نركب ضهر الخيل ولا نزرع أرض العقل خلاص تشتت بين الأوهام أصبحنا رهينة والجد خلاص هناك.... بين الجدران الخرسانه تهالك لكن متمالك وبيسأل جدى ليه الواحد يلبس توب اكبر من توبه انا ياما حكيت وقلت ولا حد بيسمع والحال.......... أوحال وعصاية جدى خلاص مش عادت قادره ضربتها السوسه وانزفت امى لعدوى عروسه ولأنى حتة طين مخلوطه بمية نيلها ولنى عشقت ضحاها وليلها ولأنى عشقت الغيط والبيت ولأنى عشقت فداها الموت ضحيت شعر / محمود الديدامونى عضو اتحاد كتاب مصر

استاذ/محمود الديدمونى
بحيك على الاستهلال الجميل اللى بدأت بيه
وبحيك على الكم الهائل اللى استخدمته من التراث بتاعنا الجميل
اللى ظهر فى معانيك الجميله
دمت رائعا

انت رسمت مصر باجمل فرشاه
وابدع الوان
لم تتجمل ولم يهرب منك اللون خلال الرسم

احيك على الصورة المصرية جدا
انت مبدع بحق

بس بلاش غيابك الكتير ده
بتوحشنا انت ومعانيك برضه
تقبل محبتى وتقديرى

قال رسول الله صلى الله عليه وسلم " تتكالب عليكم الأمم كما تتكالب الأكلة على قصعتها , قالوا أومن قلة يا رسول الله , قال بل كثرة ولكن كغثاء السيل .." صدق رسول الله صلى الله عليه وسلم .
أخي الحبيب القريب إلى قلبي / محمود الديداموني
فوجئت بقصيدتك العامية الفطرية السلسة
بما فيها من صور ومعان حققت ما تهدف إليها كرسالة
وهذا يضاف إلى إبداعاتك المتنوعة
لتتحقق رؤيتي فيك " بأنك مبدع تتسم بالشمولية "
جميل أن ألقاك هذه اللحظة
لا تغيب عني
نبيل مصيلحي

عشانك
من حتة طين
مخلوطة بمية نيلك جيت
وعشقت غناك ومواويلك
وعشقت الليل والنور
وعشقت النسمة
اللى تغازل وش الصفصافة الضليلة
والعصفور الأخضر
المرفرف فوق أغصانها
يشبه عصافير الجنه[COLOR="Sienna"][SIZE="5"][I][FONT="Arial"][COLOR="Purple"
][COLOR="Magenta"][I][FONT="Arial"][SIZE="5"]
الشاعر الجميل محمود الديدموني
تعانق حروفي حروفك
أنا لوني من لونك
أسمر شبه نيلي
أنا أهه مواويلك
لو قلتها تجيلي
و نشيد عصافيرك
حفظه عصفوري
***
عصفورتي بتقول لك
عصفورتك تلاغيني
ع الغصن ف عشك
تسمع مواويلي
يبيضْ لون نهارك
والفل وجبيني
ينزل عرق أنهارك
يخضَّر فداديني

من حتة طين
مخلوطة بمية نيلك جيت
مدخل القصيدة قوى جدا
انت ائع

الشاعر / عمرو عبد الرؤف
أشكرك على المرور وعلى كلماتك الدافعة

ما أجمل هذا العناق يا صديقى الجميل / الشربينى خطاب
كل الود

الشاعر الألق / محمود الديداموني ..

مرحبا بعودتك ..
جئتنا بتحفة فنية بعد طول غياب ..
ما أجملها مصر حين تتحدث عن نفسها بلسان أولادها ..

تحيتي وتقديري ....

كانت أحلام مشروعه
لقمة عيش منزوعة الذله
وحتة أرض
يداعبوا فيها جمال الطله
يسقيها الجد من عرقه
المتقرص ملح
ويورى العالم كله فنون الفلح
وينام ع الأرض
مزاجه تمام



إيه الجمال ده يا محمود

تسلم يا صاحبي

رائعة بجد