مدخل...............!!!!!!!!!!!!!!!!!!؛
--------------------------------
فكرة دارت
جوا عقلك
من سوادها
شلته
كلمة طلعت
من شعورك
جوا وعيك
هزته
سيب العناد
و امشى ف سكات
صمت القبور
وقت العبور
للذكريات
حان الميعاد
وقت الرحيل
-------------------------
(سيب القلم)
---------
كسب الخيال
خسر الحقيقة
فقد الامل
زرع الورق
حس القلق
بيشد احساسه
عصر العرق
و اتصبله كاسه
شرب عصير الاحتمال
و لسة عايش!!.؟
اطمنت عينه بسراب
ضاع الامل
اتكسر الحلم البرىء
برصاص ورق
عدى بخياله المستحيل
طال السلام
مسك القلم
خسر الحياة
دمعت عيون الحب
و قصصها الكتير
مات البطل
فى نهاية الحلم الكبير
فاتت مراكب الهوى
نسيت تشيل
جثة بطلنا
غرقت قصيدة عمره
فى وادى
عبقر
ضحك و قال
لازم قلوبكوا تنجرح
لجل ما تنولوا المنال
لازم عقلوكوا تندبح
و الاحتمال
امسك قلم
تخسر حياة
عيش الحياة
او انتحر
على رأى شاعر
حلمك و مات
جوا رحم الامنيات
قلمك خلاص اهو
انكسر
فكرك عقيم
يكتب قصايد امنيات
عمرك ماحتنول انتصار
ما القلب مات
عد ف تجاربك
من سكات
و عيشتها...؟
نص نص...؟
امسك قلم
و اخسر حياة