الكراسي الجلديه ألدواره
چنت اتاملك مَسنَد
وچنت بصحبتك مِسعد
وچنت مرتبط ويه الروح
من تنزل ومن تصعد
چنت أول واحد من اثنين من تنعد
صحيح الوكت متغير
وصحيح الدنيا خربانه
وعلى الكرسي اتبدل
لوردت تگعُد
بس الصوچ مو منك
الصوچ بالايد الماتعرف الياكترمن تنمد
تعبنه وياك حد الموت
بس التعب ماورد
مومنيه كل طيب الي سويناه
واجب مانريد الرد
بس انذكرك بتاريخ
قريب وبعده ما ابعد
كراسي أشكال مرت والبقه المعروف
ولو معروف منك ماكو تايشهد
أنا الخجلان من نفسي
اذا لاگيتك وسلمت يد ابيد
اچذب لو گلتلك زين
لان أجروحي ماتنشد
لو غيرك أسامح واعتقدها أتهون
بس منك چبيره وجاوزت كل حد
الفـــــــــــــــهد