شديت لجام الفرس
فز الفرس قام هرس
سطوة كبير الحرس
تقولشى قمح ف عيدانة
نورج ومر اندرس
صاب الجميع الخرس
ياعود بخور ع السندرة
قايد بقاله كام سنة
وعبيره مالى المندرة
كل الحبايب
سكنو ليه تحت الثرى
مكتوب علينا ايه
يارحلة مرسومة
مكسور ياقلبى ليه
والدمعه مهزومة
والكلمة مقهورة
ناعسة على الترعة
وبهية موهومة
مكتوب على الزلعة
نهاية محتومة
حجر ف ايد عيل
يكسر جدار دومة
ياطالع النخلة
مافيش هناك زحمة
والرحلة مقسومة
بلح ف حضن السباط
وقت السوه فراط
مافيش مابينه رباط