ليه ياولدي؟؟
إنت ليه دايما ظلمني
لو سكت زمان عشانك
غصب عني
يومها إيد الغدر كانت
اقوي مني
وبسكوتك غصب عني
رضيت بهمي
عشت فيها سنين طويله
شاربه مُرِّي
شايفه حسره جوَّه قلبك
نار بقلبي
واما اشوفك تجري برَّه
احس غلبي
عارفه نار الغربه مُرَّه
بس ذنبي
واما فجاه سمعت صوتك
جسمي شالني
والتقيتك جيتني تجري
تقول ياامي
وابتديت المح طوفانك
دمعي خاني
واما شفت بريق طموحك
شفت حلمي
قلبي رفرف ف السما
وفضلت اغني
يوما شفت إيدين ولادي
جنب مني
شايله رايتي بين إيدها
رجع لـ قلبي
والشهيد جاني يهاديني
بدم قلبي
قلت يومها ولدي جاني
يفك عني
يكسر القضبان عشاني
ورح يغني
مصر أمي وروحي ليها
مصر أمي
مصر أمي وروحنا ليها
مصر أمي