|
أبكتب لك على الشعبي قصايد بالحلم تغري |
وأشيد لك بها بيت تناغر منه عمدانه |
وأقيد لك على قلبي قبل ما ينتهض فكري |
أحاول اكتبك قصة احاول آخذك خانة |
أحاول أشتري نفسي قبل ما يرتفع سعري |
وأحاول افتح ابوابي وحلمي صك بيبانه |
على كل حال أنا راضي تعال وخلنا نسري |
نهيم بعالم ثاني يضللنا بجنحانه |
أبا اوضح مدى شوقي حياتي آه لو تدري |
أنا إنسان من غيرك تعتم وسط نيرانه |
أنا حربك أنا سلمك أنا عمرك بعد عمري |
أنا التايه من دروبه وعن كله وعنوانه |
أنا ساكت أنا صابر تكلم صبري لصبري |
رحل صبري مع طيوره مع نسوره وغربانه |
ولاجل أدفى بهالليلة مسكت من الوهم جمري |
وأثاري الجمر ماينفع عروقي حيل بردانه |
شريتيني وأنا بقبري وبعتيني على قبري |
يا أديبة ياشاعرة يا حلوة يافنانة |
وبكتب لك على الشعبي على الدانة على صدري |
ألا ياليل دن دانة على الدانة على الدانة |