1
لو فعلاً تعرفينى
بخصامى وبحنينى
وبعقلى وبجنونى
لو كنتى تفهمينى
ويدوب عشقك فى أنينى
لازم كنتى تسامحينى !!
2
بينى وبينك
أحلى أحلامى
احكيلى عن حلمك
بعد ماتنامى !!
3
جمّعتنى منك ندى
وندهتلك رد الصدى
امتى الزمان يسمح لنا
ندخل برجلينا سوا ..
المصيدة !!
4
مطلوق سهام فى الفضا
كيوبيد غرام ماحصلش
لو جوّه قلبك فضا
يبقى حلم ماوصلش
5
لو ماكنش ده يبقى حب
ياحبيبى ده يبقى ايه ؟
صدرى شايل الف قلب
مستحيل تكدب عليه !!
6
احنا مازلنا صغار
احنا مابينا حذر
بنحب جد وهزار
أطفال بوجهة نظر !
-----------
حلمى عمر