حورية بيضة
/
واللي ما غني للجراح
ميقولشي يوم مجروح
ولا حس مرة وانصدم
ولا طيرو بات مدبوح
لا لسانه يتهجى الخطر
ولا انكوى بالروح
***
حورية بيضة مغندرة
ودي كان جمالها دلال
طلعة كشمس منورة
ومبينة الخلاخال
شَبَكت عنينا بسحرها
والناس ميزانها مال
***
سألوها مالك ماشيتك
مش في اتزان معقول
جاوبت عليهم كلهم
انا بنت بنت أصول
أنا كوكب الشرق العفي
وتاريخي ليَّا دليل
***
بس اعذروني يا بشر
عقلي سكن فيه الخطر
شيطان كمان شلة لصوص
خلو الخطاوي تتعتر
إمتى هافوق من سحرهم
او شرهم دَاللي انتشر
***
د جناح اديا المؤمنين
وهلال وصليب مع أي دين
والقلب فيه إخلاص دفين
دستوري كان قرآن مبين
دول فرنسو الدستور كمان
وأمركو حتى الطحين
***
سألوها ليه اتغيرت بس
وانت عروس شمس الصباح
جاوبت بصوتها قريب الهمس
القلب دا مليان جراح
ولادي وقعو ف بعضهم
وقولولي بس ازاي ارتاح
***
سحرني واحد مننا
ووراه ياناس م السحرا ألف
والساحر الآعظم لهم
مش م الوطن ولا رمشو رف
رجالة يا ولاد الوطن
وقت الفتن خليكو صف
***
سألو ودواكي دا فين
سحرك من السحر الحزين
نروح لمين ياامُّ الرجال
سواق سفينتك أصلو شين
قالت هحل المعضلة
واشرحلكو تجيبوه منين
***
وصرخنا راح ينقصنا جاه
والمال منين او مين حداه
والطب واحباله الطوال
والشعوذة والجن آه
جاوبت بحكمة نبطلو
فكُّوني و بشرع الإله
نسأل الله السلامة لكل بلاد المسلمين من الفتن
آمين
دمتم مبدعين