[FONT="Traditional Arabic"]
مرحب يا يوم الغضب
مرحب يا يوم الغضب
شبابنا قديها
شايلين على اكتافنا
ديون نأديها
دي مصر غاليه بجد
تمنها ما بيتعد
تمنها دم وروح
حالفين لنفديها
مرحب يا يوم الغضب
مرحب يا يوم فرحة
لشعبنا المكلوم
بكرة التاريخ يكتب
ويقول دا يوم معلوم
مهرك يا مصر كبير
ماهوش دهب قناطير
وهتلبسي الطرحه
لو ف الدما هنعوم
مرحب يا يوم الغضب
كل اللي كان منا
كان دين وبنردو
ومهما كان العدو
بالقوه هنصدو
وحتى لو كان مين
همتنا جوانا
واقفين كما الأوتاد
وبنتقلب ضدو
مرحب يا يوم الغضب
بقالنا 30 سنه
قاطع لساننا الخوف
والقلب صابه العطب
والمر مالي الجوف
حالفين لناخد تارنا
لو نتقتل بالزوف
ومصرنا لشعبها
واديك بقيت بتشوف
مرحب يا يوم الغضب
يا يوم ميزانك دهب
قول يللي بينا وعيد
قول للي روحه وهب
يومك دا يوم العيد
ووعد مني يا بطل
وبدون كلام ووعيد
لاكتب عشانك زجل
ذكرى لدم شهيد
مرحب يا يوم الغضب
إكرام مجاور 12:41 ص من يوم الأربعاء الموافق 26/12/2011 [/FONT]