ردا على قصيدة الشاعر الرائع محمد الشحات محمد صباح الشعر
http://rabitat-alwaha.net/moltaqa/sh...ad.php?t=50286
أصل احنا أصل البشر ... لا الدنيا سَيْعانهْ
ولا كلمة مِللي اتنشرْ ... في الكون دَه شَغلانهْ
لو عُزنا حتى القمر ... ومقامه في سمانا
حنجيبه مَلْوِ البصر ... يسكن هنا معانا
...
قلنا الرَّحيل بالعَجَل ... وادّينا ألفِ دليل
قام نطِّ من غير خجل ... يتحفنا بالمواويل
أتاريهْ بطل بالدّجل ... والفعل فعل عميل
وبفكرُهْ إن الأجل ... حيطفّي قهر النيل
...
جبناه أسير مغفور ... والعدل أصل الحكم
ظالم وطفّى النور ... طفّح شبابنا الدّم
بالعدلِ مش بالجور ... لزماً يدوق الطّعم
خلّوه في داهية يغور ... وبقول كفاية الرّجم
...
علشان غلاكي يا مصر ... والثورة يا بلادي
وشباب في عقر القهر ... بالحقِّ بتنادي
لا الصحرا تبلع بحر ... ولا يغرق الوادي
حَنْحتْ في قلب الصخر ... وافديكي بولادي
....
يا محمد الشحات ... بقصايدك الحلوهْ
معزوم على احتفالات ... بخلاصنا مِل البلوهْ
تشرب معانا مُغات ... دَ ميلاد ودي غنوهْ
ونفرّق الشربات ... ونسُكّها بأيوةْ