المســــأله
....................
الحرف اقوي من الرصاص
اللي فـ ساعات بيكون خلاص
من ماضي كان من غير امل
والحلم واقف من زمان مستني ناس
تقدر تجيب حق الغريق واللي اتفرم
واللي اتظلم دمعاته تحفر في الحجر
شقت طريق جوه القلوب خلتها تنزف مـ الالم
صرخة مرار هدت جدار ومعاها ميت مليون سبب
واللي انكتب لازم يكون خارج حدود المحتمل
اصل العمل من نفس نوع اللي اتزرع
كلمة امل تفتح بيبان وتهد كل اللي اتبني وهم وفشل
طول السنين شكوي وانين مرات نتوه نعطش دفا
نشرب مرار الياس واحنا بنختلف لفين ايدينا بالحبال
قرب ياخال حقق وشوف المهزله مش معضله كل الوشوش
زي الرتوش المهمله
وسط الطريق الحلم خايف ينكسر وندوس عليه
وتموت فروع السوسنه طب مين هنا
والكل واقف ف الخلا مستني دور المطحنه
مش مشكله ماالوقت فات والريحه فايحه مقندله
والعين خلاص صابها العمي وتشوفها قال متفنجله
مش هاينه باين صحيح صعبه الحلول فـ المسأله