ياللى انتى فرحانه
بدموعى لبعادك
أفتكرى انى شهيد
مدفون على ابوابك
أنتى اللى كفنتيه
وبحته من توبك
طويتى امل كان فيه
وخنتى بهروبك
...
سنيتى كل السيوف
والنصل عاد حامى
والغزوه كانت خوف
لارجع هنا تانى
ليه السهام تتسن
تنقش بضهرى حروف
الحب عادلك هم
ولاّ شايفه غيرى ألوف
..
صبى المرار صبى
طعمه معاد يلذع
ومن الجراح عبىّ
جرحك معاد يوجع
ف البعد كان صبرى
والقلب مات عدىّ
لحسن تعودله الروح
.......
عيشى ما بين الناس
كدبه ورا كدبه
وقلّبى الاحساس
قلبى خلاص صدى
غنى غناوى العشق
واتظاهرى بالاخلاص
وانك بريئه وروح
كلك دفا وناس
..
ياللى انتى فرحانه
بدموعى وعذابى
خونى فبلاد تانيين
واياكى يوم بابى
قلبى صبح مسكين
سَكر على جفاكى
متنبشيش قبرى
ومتنفخيش فى النار
لحسن يجينى اليوم
واحلف واخد بالتار