لعبة صعبة
كلمة وحدة
يالله قولي كلمة وحدة
هما قالولي كده
يمكن بدِ ويمكن بدَ
تفتحلك السكة الهنا
لو بحبّك أو تقلّك بكرهك !
وفيّ وكن سيد الوفا
واعرف حبيبك بسّ عزّ المعرفة
إياك تسيبه للعدا
وإياك تقللوا حبّك أوهام وسدى
لو حبّه أوهام وسدى
................
إنت عارف يعني إيه معنى المحبّة
كلمة حلوة
وشوق وودْ
وتمّر أوقات وتمدْ
من غير ما تعرف أو تعدْ
عينك تخفْ
قلبك يرفْ
ريقك يجفْ
وتقول بحبْ
.................
قلت المحبة مش كده
قلت المحبة مش غناوي ودندنه
والعشق فيها مش كلام وولدنه
لو كنت أنا
قلبي معي
لو كنت أتكلم وأقول وتسمعي
كنت أخلي الكلّ يعرف
يعني إيه معنى الهوى
كنت أوصف للجميع أيه الدوى
للي إنكوى
...............
إيه العمل والقلب مجروح وغبي
ليه الخجل مش بقول وتكتبي
لما أجيلك تهربي
والكل يعرف قصتي
والكل غنى غنوتي
والكل يبكي بدمعتي
والكل عاوز يعرف الوزن وحروفه
والكل عاوز يكتب الشعر بظروفه
مش دة خوفه
بس خوفه تهرب البنت الجديدة
يرسملها درب خضرة
وجنة بستان وورود
ويحلملها بقصر واسع مش تكفيه الحدود
وهوَ قاعد عالحديدة
..................
هيّ دي
ياما حبايب يكذبوا
ياما وياما تعذبوا
مرة تقلّك
بعشقك
ومرة تقلّك بكرهك
لما أشوفك ححضنك
يمكن تشوفك
بس يمكن تلعنك
..............
هي كذبة ؟؟؟؟؟؟؟؟؟؟؟؟؟؟؟
لا دي نسبة
وحسبة سهلة
لو بحبِّك تعشقيني
ولو حسيبِك تكرهيني
إنتي عارفة مش ده ديني
بس عندي
كلمة وحدة
الحب كلّه في كتاب الحبّ لعبة
لعبة صعبة