البارحة سهران ما غمضت انا عيني
اتقلب في فراشي والنوم مجافيني
اول ما تغفل عيني دمعي يبدا يكويني
يزيد هواك نار الشوق تحرق و تصليني
كيف انام وطيفك لازم دوم يشقيني
ماشي معاي كظلي ان وقفت يناديني
حياتي نورك ساطع ضاوي كل سنيني
جرحتي وجرحك غائر مؤلم ويدميني
قطع عروقي وسال الدم من شرايني
الله عليك الله يا دنيتي كيف تنسيني
اطلب قربك ووصلك وانت لا تباليني
سارقد أحلم كأنك بالحلم تضميني
ضمي ضلوع نهشها برد الا ترحميني
ام لا يهم صدك لو به انت قتلتيني
راض بموتي اذا باحضانك دفنتيني