الحلم القديم ( شعر حر )
قبل الغروب
حمامتين
حلن على شباكي المجفي
ضيوف
ذعذع هبوب
داعب ستاير حالمة
رعشه وخوف
وهناااااك ف الركن البعيد
شمعة تنور هالمكان
ترسل سناها للزوايا
للمرايا
للرفوف
وهنااااااااك
شمعة مليانة حنين
تحلم تنور هالمكان
بس للأسف .. غبار السنين
قاتل حلمها
مسكينة أتعبها الوقوف
وهنااااااااااك
في آخر متاهات الحزن
في آخر متاهات الكهوف
قلبٍ عطوف
وهناااااااك
اقصد هنا في داخلي
بين الحنايا والضلوع
حلم
والحلم أنسانا شغوف
جرحه ملا هالكون ونات
واهات
وحروف
ورغم الظروف
تبقى الأماني حالمة
عصفور
وأوراق
وانهار ... وقليبٍ يروووف
وبعد الغروب
أحزان
وهموما تطوف
ترسل أساها للزوايا ألاربعه
للقلب
للحلم الشغوف
ويصرخ بداخل داخلي
حلم قديم
يا حلم أتعبني الوقوف
يا حلم أتعبني الوقوف
ملت الأقدام من كثر الوقوف ... مرت الأيام وأنتي في غياب
انتظرتك طالت سنين الكسوف ... والمعذب ينتظر منك جواب
يبعد الأحزان عن قلبٍ شغوف ... في حياته صارت آماله سراب
ضاع حلمي في متاهات وكهوف ... والأماني صار كاسيها ضباب
واهتزت الجدران
صجه ولجه
وارتج بالخافق دفوف
هب الهبوب
تكسرت أطراف شباكي
طار الحمام
ماتت شموع
وماتت بقايا السالفة
بحلول الظلام
وكفنتها
دفنتها
بآخر متاهات الخفوق
وف عز الظلام
البرد كسر أضلعي
وتميت بالغرفة أدور
ابحث عن إحساس وشعور
آبى الدفا
بعوض سنين الجفا
قاتلني الحرمان
محروم لحظات الأمان
وفجأة
ثارت بوجهي المدفئة
ذاب الجليد
ولمحت بأطراف الخيال
ملاك في صورة ملاك
شع المكان
وشفت العيون الحالمة
وجد وحنين
وناديتها
يا حالمه يا حالمة
يمي ركضت
ضميتها لصدري وبكيت
وتعانقت أرواحنا
وتميت أناجيها قصيد
وهي تغنيها نشيد
ويرقص من الفرحة سحاب
الله لا يعيد العذاب
وف عز لحظات الجنون
نامت عيون
نام المكان
عم السكون
وقبل الشروق
فزت عروق
يا حسرتي يا حسرتي
كانت معاية فرحتي
ضميتها لصدري وبكيت
وفجأة اختفت
قبل الشروق
وناديت للحلم القديم
يا حلم صدقني بتعود
يا حلم صدقني بتعود
وبعد الشروق
عاد الحمام
والنور عاد لغرفتي
وشفت المكان
نفس المكان
إلا أنت يا لحلم القديم
إلا أنت يا لحلم القديم
رد مع اقتباس
