اللي عاشها بقلبه خاب

ساعات بحس ان انا محتاج حبة تضليل
لناس بتكدب وتحور
لكلام مزيف ومزور
لعلاقة مبناها التجميل
لرتوش بترسم ع الوشوش كل كدبة عارفها لكن
عايز اعيشها
نفسي أحس بإن لسه العمر مرحش
وإن قلبي مندبحش
وإن شكلي لسه جميل !!

اللي عاشها بقلبه خاب
واندفن جواه شباب
واللي عشت عليه بدور
عمري كله
آن أوان الإعتراف
إنه أصبح مستحيل

آن أوان الإعتراف
إن شعري الشايب بان
والبنات بتقول يا عمو
وناس تقول ده دمه تقيل
اللي عاشها بقلبه خاب
واندفن جواه شباب
وسط ناس
بالكدب عايشه ع التمثيل

عمري يا سكة سفر وسط دمعة ليل طويل
روحي يا حلم انكسر لما ردوا المراسيل
لعنة العاقل ف قلبه لما قلبه يكون دليل
واللي عاشها بقلبه خاب
واندفن جواه شباب
آن أوان الإعتراف
إن حظي كان قليل

آن اوان الإعتراف
إني محتاج للتضليل
لناس بتكدب وتحور
وكلام مزيف ومزور
وعيون تشوفني لسه جميل
آن أوان الإعتراف
إن الحياة صعبه أوي
صعبه أوي من غير تجميل !!

نص مؤثر لشاعر فياض المشاعر صادق الإحساس
أنت إنسان متفرد بحق فطب خاطرا ستعيش كل ما تحلم به
ولكن لكل شيء أوان
يظل نصك من طريف الشعر وجميله
متقن العزف بكل ما يحوي من مشاعر مرهفة وشاعرية محلقة
بوركت ودمت نبعا متدفقا بالإحساس.

نص مؤثر لشاعر فياض المشاعر صادق الإحساس
أنت إنسان متفرد بحق فطب خاطرا ستعيش كل ما تحلم به
ولكن لكل شيء أوان
يظل نصك من طريف الشعر وجميله
متقن العزف بكل ما يحوي من مشاعر مرهفة وشاعرية محلقة
بوركت ودمت نبعا متدفقا بالإحساس.

عاجز عن الرد أمام كلامك الطيب أستاذة نادية
يظل - في نظري - إعجاب بالنص ، صاحبه أسوأ حظا مما يتخيل القاريء
الحمد لله

كلمات راقية ومشاعر سامية رغم مرارة ارتسمت بين الحروف
نص بديع ينساب برقة وعذوبة بكلمات رقيقة الحس والمعنى ، عذبة التعابير
بوركت ـ ودام ألقك ودمت منبع إبداع.