بسم الله الرحمن الرحيم
السادة أعضاء ومشرفي منتدى الواحة
آهلا ومرحبا بكم في خامس لقاء أسبوعي يجمعنا بكم
فــــــــي
 شاعر و قصيده 
***************
يــا أم الـعـيـون الـدفـيـنـيـن
لـو تـعـرفــي مــن فـيـن سـمـار الـنـيـل ؟
مـنـيـن !
اٍوعِــك تـقـولـي لان جــوفـه عــب طـيـن اسـمـر
لان الـشـمـس فـوقـه مــن سـنـيـن
لــو تــعــرفــي طـــول الــســنــيــن
عــلــى شـــاب عــريـــان الــبــدن
وبــدرعــاتــه الــمـكــشــوفــيــن
وأنـتـي عـنـيـكـي اسـمـروّا مــن شـيـل الـحـنـيـن
ولأنـهـم ............ مـتـكـحـلـيـن بـشـئ حـــزين
بــشـئ فـــى كــل عــيــون صـحـابــي الـطـيـبـيـن
الـلـى فــى عـيـنـيـهـم انـتـظـار
الليل جـــدار
إذا يَّـدن الـديك مـن عـلـيـه
يـطـلـع نـهـار
الساده الافاضل
شاعرنا اليوم من الشعراء الشباب
شاعر رايناه فى ثوب الفصحى جميلا‘
وعندما رايناه فى ثوب العاميه صار اجمل واجمل واجمل
شاعرنا اليوم هو بالفعل (جزار )
يعرف كيف واين يتربص لفريسته
ومتى ينقض عليها ليخرج لنا
اشهى المعانى واجمل الكلمات
شاعر اليوم من يقول
حكايـة زمـان مـا انتهاتشـي
وقصـة قابيـل مـا اتنساتشـي
ودُنـيـا بتـولِـد تـوائــم..
ورغم السنيـن مـا اكتفاتشـي
وبوش.. ابن بوش.. يِيجي
زَيُّهْ أباتشـي.. تِخَلِّـف.. أباتـشـي
وحِكْـمـة أبـويـا هتفـضَـل:
"صحيح اللي خَلِّف.... ما ماتشي"
- شاعر اليوم من مواليد 3/1/1978 م.
محافظة الجيزة،
- حصل على ليسانس الآداب، قسم اللغة العربية، من كلية الآداب بجامعة المنصورة.
- حصل على دبلومة المعهد العالي للدراسات الإسلامية.
- يعمل حالياً مصحِّحاً لُغوياً بإحدى دُور الترجمة والنشر.
انجازاته الادبيه:
•حصل على المراكز الأولى على مستوى جمهورية مصر العربية في عدة مسابقات شعرية أقامتها وزارة الشباب المصرية ووزارة الثقافة وبعض المؤسسات الأخرى، ومنها:
•المركز الأوّل للجمهورية في المسابقة القومية للمناسبات الدينية (غزوة بدر) بقصيدته (إن تنصروا الله).
•المركز الأوّل للجمهورية في مسابقة المجلس الأعلى للثقافة (القدس الماضي والحاضر والمستقبل) بقصيدته (قدساه يا أماه عودي).
•المركز الأوّل للجمهورية في مسابقة مؤسسة اقرأ الخيرية سنة 1998م ، بمجموعة شعرية.
•المركز الأوّل للجمهورية في مسابقة مؤسسة اقرأ الخيرية سنة 2002م، بمجموعة شعرية.
•المركز الأوّل للجمهورية في مسابقة وزارة الشباب حول سيرة الرسول (ص) بقصيدته ( هذا محمد)
•المركز الأوّل للجمهورية في مسابقة (لقاء الأدباء والشعراء) التي أقامتها وزارة الشباب المصرية بقصيدته (حربٌ ضد الـ... إرهاب).
•المركز الأوّل للجمهورية في مسابقة (أحلُم أن أكون) التي أقامتها مؤسسة الأهرام، ببحث عن شخصية أمير الشعراء أحمد شوقي.
•مثَّل مصرَ في لقاءات دولية، في ليبيا عام 2000، وفي سوريا عام 2002، وفي السودان عام 2006.
•حصل على المركز الأوّل على مستوى الوطن العربي في مهرجان الشباب العربي التاسع الذي اشتركت فيه أربع عشرة دولة عربية، ونال الميدالية الذهبية للمهرجان في مجال الشعر، وذلك عام 1998م.
•له ديوان شعر فصحى بعنوان (لا تذبحوا ضوءَ القمر)، وله عدة أعمال شعرية أخرى تحت الطبع.
شاعر اليوم هو
الشاعر الجميل
الاستاذ
:NJ: مصطفى أحمد إبراهيم محمد الجزار.:NJ:
**********
احبتى الكرام هيا بنا نجوب معه فى رائعه من روائعه الجميله
الا وهى
معجزه عوده صلاح الدين

في القرآن
ربّك قال للناس: "ادعوني"
علشان هوا كريم وبيِدّي
وف رمضان الناس بتصلّي
تملا الجامع في التراويح
وإْمامهم يدعي ويعيّط
واللي وراه بيقولوا: "آمين"
عارفين كانوا بيدعوا بإيه؟
كانوا كل صلاه بيقولوا:
"يا الله
رجّع لينا صلاح الدين...
يا الله
دا احنا بشوق مستنيّين
يا الله
لو جالنا هنقوم واقفين
يا الله
نمشى وراه ونكون طايعين
يا الله
و نحرّر أرض فلسطين
يا الله
بس ييجيلْنا صلاح الدين
يا الله...
*****
ربك دايماً..
ربّ قلوب
بيحبّ العبد اللي بيطلب
وامّا لقى الملايين بيقولوا
رجّع لينا صلاح الدين
سبحانُه.. حقّق رغبتهم
ولقينا الأرض بتنشقّ...!!!
قُدرة ربّك
مين هيكدّب ويقول: "لأ"؟!
ولقينا فارس من نور
وحصانه بيجري ويْدُور
وف إيده السيف المتعافي
استعجِبنا...!!!
وسألناه: "انت اسمك إيه؟!"
قال بالفُصحى:
"أنا يا قومِ صلاحُ الدينْ
قد أحياني اللهُ القادرُ
حين دعوتم
أنْ يبعثَني اللهُ إليكم
ها أنا ذا
قد جئتُ إليكم
لكنْ نُبّئتُ بأخبارٍ عنكم سيّئةٍ للغاية
كيف رضيتم أن يُنتهَك الأقصى فيكم؟!
كيف سمحتم للأعداءِ بهذا الأمر؟!
كيف تركتم بيتَ المقدس؟!
كيف قَبِلْتُم عَيْشَ الذلّةِ بينَ الناسْ؟!
إنى مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ
فتنازلتم أنتم عنه... للأنجاسْ!!
لكن... لا بأسَ... فقد عُدْتُ
وسنُرجِعُ جيشَ الإسلام
جيشٌ سوف يقودُ العالَم
أنتم.. جُنده..
هيا قوموا...
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟"
*****
كل الناس كانت ف ذهول
م اللي بيحصل
واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف...
ما اقدرش أحارب ويّاك
أحسن أنا على وِشّ جواز
عايز اشوفلي يومين ف الدنيا
أبقى عريس..
أفرح واتمتّع و أهِيص
لكن حرب؟!!!
سلامُو عليكم... أنا مش فاضي"
*****
واحد تاني
قال: "اسمحلي يا عَمّ صلاح
إني ما اروحش الحرب معاك
عندي عيال عايز اربّيهُم
وانا غلبان
باقْطَع من جسمي وبادّيهُم
لو رُحت معاك -افرض يعنى-
مين هيأكّلهم مِن بَعدي؟
مين -لو رُحت معاك- يراعيهُم؟
أنا عارف.. ربنا موجود
هوا اللي بيرزُق... مش إحنا
بس انا خايف
والبَرَكه ف باقي الرجاله
هُمّا يسدّوا بدالي هناك
وانا هادعيلكُم كل صلاه"
*****
واحد تالت
قال: "انا تاجِر
عندي المصنع والدكّان
ومشاغِل أشكال والوان
أبقى عبيط لو سِبت مصالحي وْجيت ويّاك
لكن هابقى معاكو بقلبي
*****
واحد رابع...
واحد خامس...
سادس...
سابع...
عاشر...
ألف...
كل الناس قالوا: "آسْفين
رُوح وحدك يا صلاح الدين
أحسن إحنا مش فاضيين
لا لجيشك ولا لفلسطين
إيه يعنى أقصانا سجين؟
ما هو في السجن بَقَالُه سْنين
لو بالحرب هنُنصُر دِين...
يِبقى خلاص ما احناش عايزين
إحنا هنقعد منتظرين
وهندعيلَك بالملايين:
يا الله
إِبْعِد عنا صلاح الدين
يا الله
إحنا بحالنا كده راضيين.. يا الله...
*****
بعد ما قالوا كل كلامهم
بَصّ صلاح الدين بعينيه
مالقاش ولا واحد حواليه
يعمل إيه؟
الأرض انشقّت من تاني
علشان تاخدُه
مارضيش ينزل تحت الأرض
عايز يعمل حاجه ف بالُه
فوق "الأرض"
غَيَّر لِبْسُه
ولِبِس زيّ شباب القُدس
نفْس الشكل ونفْس اللون
كان متغاظ
من كل الناس اللي سابوه
جَمّع غِيظُه.. تحت هْدُومُه
ودخل وسط كلاب الأرض.. وفجَّر نفْسُه...
علشان يفضل
زي ما هوا... صلاح الدين
لكن ساب في القدس رساله
بيقول فيها
إنه حزين
علشان جيشُه ما كانش معاه
"جيش حِطّين"
و بيطلُب من كل الناس
اللي بيدْعُوا كل صلاه
لو طلبوه تاني ينصرهُم
لما يقولوا: "يا الله..
رجَّع لينا صلاح الدين"
لازم يدعوا كمان و يقولوا:
"يا الله
عايزين جيشُه يكون ويّاه
علشان إحنا مش فاضيين
مش هَنْسِيب المال والجاه
مش هنسيب الدنيا الحلوه وْنِمشي وراه
يا الله...
مش عايزينُه ييجي لوحْدُه
لازم جِيشُه يكون ويّاه
لازم جِيشُه...
يكون...
ويّاه...
بعد كل هذا الكم الهائل من السخريه والمعاناه
لا اجد ما اقوله الا
دعو الاقلام تتكلم والعقول تتحاور
ونبدء النقاش