|
|
| يَا بِنْتْ النَّاسْ أَنَا فَقِيرْ |
|
|
دْرَاهِمْ يُومِي مَعْدُودَة |
| إِنَّمَا عِنْدِي قَلْبْ كْبِيرْ |
|
|
بْحَرْ شْطْآنُو مَمْدُودَة |
| فَايِضْ بِالْمْحَبَّه وَالْخِيرْ |
|
|
وْبَابُو مَاهِي مَسْدُودَة |
| وَعْلِيهَا وَاقِفْ عَسَّاسْ |
|
|
وْفَهْمِينِي يَِا بْنْتْ النَّاسْ |
| يَا بِنْتْ النَّاسْ الْعَشْ |
|
|
أخْضَرْ وْبِيدِي أَنَا بَنِيهْ |
| غِدَّ بِفَضْلْ رَبِّي يَعْمَرْ |
|
|
سُبْحَانُو الْأَمِرْ بِينْ يْدِيهْ |
| إِيلاَ رَادْ الْخُبْزَة تِكْبَرْ |
|
|
وِكَرَمْ اللَّهْ تْشُفِيهْ |
| إِيََّاكْ تْقَطْعِي لِيَّاسْ |
|
|
الْعَشْ أَخْضَرْ يَا بِنْتْ النَّاسْ |
| يَا بِنْتْ النَّاسْ تْلاَقِينَا |
|
|
وَبْدِينَاهِ بْسُنَّه وِكْتَابْ |
| عَلْ الوْفَا وِالصَّدْقِ مْشِينَا |
|
|
فِي الظَّاهِرْ وِالْبَاطِنْ أحْبَابْ |
| وِالْيُومِ صْبَحْ وَاحِدْ فِينَا |
|
|
يِغْلَقْ بِوَجْهِ الْحُبْ الْبَابْ |
| إِعْشَا وِغْذَا بِصْدَاعِ الرَّاسْ |
|
|
حْشُومَه عِيبْ يَا بِنْتْ النَّاسْ |
| يَا بِنْتْ النَّاسْ اللَّهْ كْبِيرْ |
|
|
نْخَدْمُو يَاكْ احْنَا شَبَابْ |
| إِبْنَادِمْ يِتْحَزّْمْ يِْدِير |
|
|
وْيَطْرَقْ جَمِيعْ الِبْوَابْ |
| آشْ دَّانَا لِشْ عِنْدِ الْغِيرُ |
|
|
والِحْسَدْ يِتَلّْفْ الْحْسَابْ |
| لِهْلاَ يَعْطِينَا وِسْوَاسْ |
|
|
يِمَرِّضْنَا يَا بِنْتْ النَّاسْ |
| يَا بِنْتْ النَّاسْ بْغِيتْ عْشِيرْ |
|
|
يْقّدّْرْ يِفْهَمْ الْحَيَاةْ |
| يِدْفَعْنِي لِطْرِيقْ الْخِيرْ |
|
|
وِيْوَاصِلْ شَطْ النَّجَاةْ |
| أَنَا مَا بَاغِي مَسَامِيرْ |
|
|
تْعَرْقَلْ لِي سِيرْ الْخَطْوَاتْ |
| أُو الْعَقْلْ مِسْطَرْة وِقْيَاسْ |
|
|
وْالْعْقلْ نُورْ يَا بِنْتْ النَّاسْ |
| يَا بِنْتْ النَّاسْ الْعُمْرْ قْصِيرْ |
|
|
سْنِينْ قْلِيلَة مَعْدُودَة |
| أُوكُلِّ دْقِيقَه تِسْوَا الْكْثِيرُ |
|
|
وْضَيَّعْنَا دَقَايِقْ سُودَه |
| الدِّنْيَا غِطَّاهَا الْحْرِيرْ |
|
|
وْأَصِلْ الْحْرِيرْ الدَّودَة |
| وِالدُّودَة عِرْيَانَة لِبَاسْ |
|
|
التَّوَاضُعْ يَا بِنْتْ النَّاسْ |
الـــزجل المغــربي رقـــميا
رد مع اقتباس