مداس أبــــــو مركوب ـ تعرفوه ؟ هاهاها

اليوم وبعض يوم راح أكلمكم عن مداس أبو مركوب
مداس صناعته أمريكاني
والكلام دا مالوش كلام تاني
ماشي يتعايق يتغنى بيه
يقول مداسي تزيقته
مزيكا فوداني
***
فـاليوم التالي
لبس مداسه من تاني
قعد على قهوته فراداني
فرد جريدته
نشر أوراق صحيفته
أصله بيدورعلى شغل
من تاني
والدنيا لما زهزهت له
بعتت له مداس أمريكاني
بعتهوله ابن عمه
لجل ما يتهنى
ويبقى عند أبو مركوب
بعد الزمان مركوب
***
يا بختك يا أبن عمي
شغال عند الامريكان
قالها وهوه بيلبس مداسه
وبيمسحه بطرف كمّه كمانِ
قعد على قهوته
يشرب قهوته
حط رجله في وش اللي أصاده
قال يعني مش واخد باله
حبه ... حبتين طب عليه صاحبه
طلب له الشيشه
وطلب لنفسه القهوه الأمريكاني
لجل ما تتمشى مع مداسه
وتكمل بيها عياقته
كلمه ورا كلمه
دخلوا فـالسياسه
أتفرد صاحبنا واتنى
وقال كلام يتحسب له
وهوه ولا هُش دارى
ما حس إلا ..
وإيدهم فوق قفاه تجره تحطه
ما تقلش شوال بصل فـ زنزانتهم
!!
أللعوّه وجردوّّّه مداسه
وسابوه حافي يا روحي عليه
من غير حتى ما يعرفوه
مين اللي في المعتقل وحطوه؟!!
هوه ولا مداسه المأسوف عليه !!
والكلام بكره جي ليكوا
.....

الأخت عبلة ـ تحية
ألق ونقاء سريرة وبهاء طلة ما تبين من لوحة الواحة بعد رجوعك إلى ناصية الود إخاء .
أهلا بك أم محمد
فكرة رائعة تستحق التصفيق ، ولكن لن اصفق لها تعرفين لماذ؟
لأنها تذكرني بايام خلت كنا نخرج مزمرين مطبلين
لا ندري لمن وكيف وعلام ؟
والمهم هو أن نكون كيلا نكون في زنازين القهر .
أما هنا فإني ساصفق بنبضات صدق ومشاعر يقين بأنك من أنقى من عرفت
تحياتي لك
أخوك محمد