فى بـــــــــحر عيــــــــــــون حبيبتى
فى بحرك
تاخدنى الموجه تِلو الموجه والأنواء بتلعبى
فى بحرك
ياما ميت صياد رمولك شبكه مسمومه وبرضه برقه بتعدى
لإنك زفره من بوحى ...
ومبنيه جدار شامخ
وصرخه ثوره ؛ من روحى
بقوه جذرك الراسخ
ياعين نابعه من الجنه بتروى ظمئتى وحدى
يارسم الحنه فى كفوفى
وبصمه عشق فوق خدى
يازهره مسك سهرانه
بتتباهى ؛ مابين وردى
دا إسمك صار كما سرى
لإنك منى ما تفرى
ياساكنه القلب والننى
لمين غيرك انا اغنى
دا بيكى عرفت انا فنى
واحلف جمالك ربانى
وعَلم فيا ربانى
وخلانى
اكون اول
ومش تانى
سلاح الحب تأثيرك
ببسمه
راسمه
تفصيلك
وحتى شقاوتك الزايده
وعِندك ويا تصميمك
وأه منك مفيش فايده
ملكتى القلب ؛ بحنينك
ولما الدنيا تلغلبنى
فى حضن عنيكى هدارى
من الضله
لإنى محبش الضله
واحب الدفئ فى عيونك
واموت من عِشقك الزايد
ومن أشواقى لـــ جنونك
ولما تثورى من غيرتك..
بلاقى خدودك الوردى
تلملم كل أشـــــــــلائى
وعطفى ويا أهوائى
ولما عليكى اكون قاسى
بكون من حبى انا ليكى
عشان م تكونى سلطانه
واكون فارس أنا بيكى
أهين لو عرفوا أوصافك
وكتــــبوا قصايد الدُنيا
دا مين يقدر ينافسنى
فى بحر عنيكى لو ثانيه
بقيتى بعينى اسطوره
ومسطوره
على جلدى
ومن عَندك
ومن عَندى
ومن عِندك
ومن عِندى
وم العين دى
إلى العين دى
شُعاع واصل كما الأبدى
رد مع اقتباس
المشاركة الأصلية كتبت بواسطة ينابيع السبيعي
