"تلميذةٍ بك خجوله""
عندما دعاني الشعر قلت له :
جيتك أداري خطوتي في سهوله
ما لي هدف ويا حدود الملامه
جيتك وانا تلميذةٍ بك خجوله
قلبي دليلي لك يفوق اهتمامه
جيتك وانا فينيي براءة طفوله
ولا كل خطوه آخرتها سلامه
جيتك وانا فكري شموخ وبطوله
والحبر حرفٍ يرتقي في كلامه
جيتك وفكري بين صوله وجوله
مثل المطر هتان وبل الغمامه
لا ابديت حرفي ما في صدري اقوله
حذره وبعيده عن دروب اللآمه
يطيعني نزف الشعر في هطوله
أختار حرفي وارتقيٍ في كلامه
جسدت حرفي للوطن في شموله
خيّال في حبه وساكن خيامه
سلّيت سيف الحرف وامسيت حوله
مثل السياج ولا تطوله سهامه
أمسى الشعر عندي مساحات دوله
نفحة عطر والا هديله حمامه
سخرت نزفي للشعر في مثوله
خوفي من الله في شعوري علامه
ويبقى الشعر بعد الممات بذيوله
ويا حظ من هو مبتعد عن حرامه

ينابيع السبيعي