قصيدة بعنوان( عازف)

بصوا علي عودك
وشافوكي كل الناس
قالوا يا مين يعزف
برقة وباحساس
سمعوا نغم صوتك
حسدوني علي أمري
حطوا ما بينا الفرقة
وبلغوا الحراس
حكموا عليا ف بعدك
اني اتوه وانسي
مركب ف بحر الشوق
مش لاقي ليه مرسي
ما بين بلاد الله
مغلوب علي أمري
القاضي كان قلبك
وعيونك المنفي
أنا ليه أعيش مطرود
وانا صقر ف العالي
كسرت كل قيود
علي حبك الغالي
عمري ما شفت حدود
ف سمايا وأنا طاير
أنا عقلي كان مرتاح
والقلب كان خالي
رجعت لقصورك
ولقيت ف أحضانك
واحد شبيه ليا
عاشق لأوتارك
عازف تمام زيي
أنغام من الحرقة
وانتي أهاتك تعلي
واشرب أنا نارك

وانا شايفة هنا عاشق سهران
بيعزف دائما ألحان
مفتون بحورية من اللؤلؤ والمرجان
سحرت روحه وسرقت قلبه الولهان
عاشق بيغنى ويعزف ألحان
وحورية ترقص وتقوله كمان يا فنان

عماد غازى

رائعة جداً أعجبتنى كثيراً
رددتها أكثر من مرة
فلله در حرفكَ
محبتى

اشكرك يا مروة وأعتقد ان محبتي لكي فد جاءت من كلامك الطيب

ابحث عن الشطآن
هتلاقي من تاني
بحور هدوء وأمان
والحب جواني
الدنيا لسة بخير
مهما الاحبة تروح
هتلاقي جوة الغير
الحب رد الروح

اخي عماد شاعر باهر وجميل
وحساااااااااااااس قوى
همسة بسيطة
رجعت لقصورك ايه رايك تغيرها شوية الموسيقى مش هية انا عارفك تقدر

وانتي أهاتك تعلي ايه رايك تغيرها مثلا بأهاتك العالية - أشرب أنا نارك
أنت مبدع ومبحر
خيالك ثر وواسع واحساسك عالي بالكلمة والموسيقى
دمت بحرقة الحب لتخرج لنا مكنون الابداع والجمال
عيدك سعيد ومبارك

نص ماتع بديع جميل الصياغة والفكرة
معزوفة نثرتها بسخاء الحرف وإشراقه
تحياتي.