انهاردة فى عيد ميلادى

انهارده فى عيد ميلادى

بطفى شموعى لوحدى

وانا بفتكر ذكرى زمان

لما كانوا الاحباب معايا

قبل ما يخونوا ويبيعوا

قلبى اللى كان شاريهم

انهارده فى عيد ميلادى

وانا بطفى شموعى لوحدى

استغربت لحالى

وانا لوحدى

وسألت سؤالى

هم فين الاحباب والصحاب؟

كنت شاريهم وطلعوا بايعين

خلينا يا قلبى لوحدينا

نطفى شموعنا بايدينا

احسن ما الايام تطفى نور عينينا

انهاردة فى عيد ميلادى

وانا بطفى شموعى لوحدى

وقلبى حزين على الذكرى اللى كانت

بفتكر ايام زمان لما كنت غالى

بفتكر الدنيا وجراحها فيا

وسألت سؤالى

هما فين الاحباب والصحاب؟

ليه غابوا وانا بطفى شموعى

انهاردة فى عيد ميلادى

بطفى شموعى لوحدى

وهفضل لوحدى

كفاية جراح من الايام

الفاضل / هيثم مجدي الدهشان ..

اسمح لي أيها الفاضل بنقل نصك لمنتدى الشعر العامي ، كما أرجو أن تتوخى الحرص في اختيار المنتدى المناسب لأي نص تريد أن تنشره في الواحة ..

شكرا لسعة صدرك وتفهمك .
تحيتي وتقديري ..

الاستاذة / وفاء خضر
انا شاكر لكى كثيرا مساعدتك لى وتوجيهك الدائم لموضوعاتى ونقلها فى اماكنها الصحيحة
تحياتى لكى

عيد ميلاد سعيد وكل عام وانت طيب
واهلا بك فى القاعة

هى محاولة تحتاج منك الى اجتهاد لتطوير هذه الموهبة التى تنم عن مشروع شاعر

تقبل تقديرى وتحياتى

عيد ميلاد سعيد
عيد ميلاد جرحي أنا

تحياتي
د.محمود سامي