بسم الله الرحمن الرحيم
السادة أعضاء ومشرفي منتدى الواحة
آهلا ومرحبا بكم في ثالث لقاء أسبوعي يجمعنا بكم في
(شاعر وقصيده)
0000000000000000000000
اذ حضر الماء بطل التيمم000واذ حضر الاستاذ يجب بالفعل ان يتنحى التلميذ
الساده الافاضل 000
يقدم لنا شاعر اليوم الاستاذ الفاضل د/ فوزى ابودنيا00 فلنبقى معه000
0000000000000000000000000000000000
اليوم نحن مع شاعر هامته عند السحاب حاولت ان اختار له عمل نقدمه به ولكنى وقعت فى حيرة انه شاعر الليل والقمر او الصابر ايوب ابو اسلام الشاعر القدير الانسان الاستاذ
:NJ: أحمد ابراهيم احمد:NJ:
يقول احمد ابراهيم فى قصيدة (وآخرتها)
تعبت خلاص...
ومليت السكات والصمت
هربت كتير
من المشاوير
مابين ضفة أتوه فيها
وبين لحظة أكون فيها
وبين دمعة أداريها
بتخنق ف الكلام والصمت
وآخرتها
اسيب نفسي لموج عاتي
مابين صمتي ولوعاتي
واضيع بين البشر تاني
ف سكتها..
وآخرتها
كما يقول فى عمل اخر ( زمن الملايكة)
وتسرقني...
ياصوت ساكن ف جوايا
بتنده ليه علي اللي راح
جراح تسكن ماتهمدشي
بتطلب م الحياة تمشي
بعكس الواقع الموجود
حدود من صمتك المعهود
ورود من شوك
ماتدبلشي
كما يقول فى قصيدته (دنيا)
دنيا...
وخداني لحد
ولا الحد الفاصل بين الفهم وبين الرد
محتاج للضد
دايما مشغولة بغيري وسيري مالهش دليل
انا موش قلت ف فضلك مواويل
وفضلت أغني لحد الحد
ااقصد
لحد الموت
***
ويقول احمد ابراهيم عن نفسه
بداياتي في الشعر كانت من خلال الميكرفون الاذاعي وانا في سن التاسعة عشر وكنت ادرس ايامها تعرفت علي برنامج اذاعي كان يقدم المواهب الاذاعية بصوت العرب اسمه(شريط كاسيت) وقدمت فيه والحمد لله لاقت كتاباتي استحسان البعض
ثم كانت النقلة الكبيرة وهي اعدادي لبعض البرامج الاذاعية من خلال اذاعات مصر وتم اعتمادي كشاعر من خلالها ولعي كنت أصغر من اعتمد كشاعر في تاريخ الاذاعة المصرية
ثم كانت الندوات الادبية واللقاءات
ثم اشتراكي في كتاب مهم جدا بعنوان(مريم في عيون الشعراء)
وهو عبارة عن مجموعة من اشعار وازجال كبار شعراء مصر وقدم له فضيلة شيخ الازهر انذاك
ثم ديواني الوحيد حتي الأن(الليل والقمر)
وكان علي نفقتي الخاصة
وعلى عكس ماسبق فاننا مع عمل التحليل والقراءة فى العمل سوف نحاور الشاعر لنقترب منه اكثر ونتعرف عليه اكثر
ولعلى وانا اقوم نيابه عن اخى الحبيب الاستاذ ابراهيم عباس فى تقديم شاعرنا الكبير احمد ابراهيم
اخترت له رساله الى الاسفلت فهيا نبحر معها
(رسالة إلي الأسفلت)
ف شكل انحدار الطرق والشوارع
ف شكل اللي شاري وشكل اللي بايع
ف شكل الرصيف
اللي خبي متاعبه
وشكل اللي تاعبه
رسالتي اليك النهاردا إستغاثة
ياريتها هاتوصل لايدك لوحدك
ومايكونشي لازم كتاب الوراثة
####
عزيزي المسفلت
صباح المتاعب
صباح الركايب
صباح اللي ماشي علي صف واحد
يادوبك معدي لجسر المصايب
مدينتك زحام
بتسرق مابينا وشوش الكلام
وتسرق مابينا جميل المشاعر
ولو كنت شاعر بتعرف تصور
ماكنتش رسمتك
بانك مسفلت
###
عزيزي المسفلت
مساء الحزاني
مساء اللي جولنا وفيه جوه منهم
سلامهم أمانة
بطيبة كفورهم
وحنية ضهورهم
كفورهم .. قصورهم
مساء الغلابة
عارفهم .. شايفهم
سايبهم لعيشهم
وأخر نهارهم
بتطرد صغارهم
بيوتك بيوتكم
علي عكس قولت خواجة اما زارك
بيتفول . بيت.. فول
###
ياليل المسفلت
علي كام رصيف بينامولك غلابة
علي كام رصيف سهرانين الديابة
وحابل ونابل
وانت المسفلت
####
( يوصل مع مخصوصه )
علي أي رصيف مرصوص
لا ف شبرا لا المرج
انشالله يكون ساكن ف خصوص)
####
الساده الافاضل
هيا بنا الان نفتح باب النقاش
والحوار حول القصيده