قرب وبص
واسمع حكايتي كلها
ببلاش ونص
كان يا مكان
كان لينا في القلب الكبير احسن مكان
كان لينا حب بنترمي فحضنه زمان
كان لينا نهر من المشاعر تتروي بيه الجنان
كان لينا قصر من المحبة والحنان
كان لينا جنة جوا جنة جوا قلب وكان تمنى لو يعود بيه الزمان
كان لينا فوق موج المشاعر باخرة وألفين سفينة
كانت قلوبنا بتبني فوق أرض المحبة من قصور الشوق مدينة
عاشت قلوبنا أحلى ما في الحلم لما ظللت روحنا علينا
قول ياما عشنا ويا ما شوفنا
وياما شوقنا كان كاشفنا
وياما لجل نعيش حياتنا كنا بنغمض عنينا
مين ينسى شوقه وشوق سنينه
مين ينسى دينه ولو يدينه
مين ينسى حبه أو حنينه
دانا ليا قلب الله يعينه
لما أحس انه نقص
قالوا في وشه يا بطل كان في وخلص
الحب أصبح مشكلة
ومعادلة صعبة ومعضلة
واللي بيمشي فسكته يرجع مشاعره مبهدله
علشان كده
بطل تمصمص في الشفايف
ماللي راح راح وانت شايف
ولا انت عايز تبقى عايش في الحياة ومتكونش خايف
فتح بقه عينك وبص
شوف الحياة والحلم بين فكين مقص
وانتا سرحت وقولت لماابقى ......هَقُص
جيت تشتري قالو يا شاعر
كان زمان
كان في وخلص