﴿ يا بنت الإيه ﴾
أثناء فترة حكومة الإنقاذ برآسة ( كمال الجنزوري ) وقد صاحبها فترة من عدم الصبر
وأعمال عنف ويلطجة واستعجال على التغيير
ويا مصر هاجي أنا إيه
جنب اللي غنولك
معذور يا بنت الايه
واهو دين بردولك
وهقول ولو متعاد
وكلا مي لو طول
ما التبر لو برماد
عمرو ما يتحول
هارسم يا بلد النور
هارسم حروف إسمك
محفوره بالبلور
ويادوب يكون شكلك
على قلب كل همام
على أرضها اتعلم
إزاي يكون إنسان
عمرو ما يتكمم
ولو الزمن كرابيج
تسلخ ف رقابينا
دابت كتير كرابيج
من ضربها فينا
ويا ست حسن الكون
جيا بتتمخطري
لما الغروب بسكون
دايب ف نيلك جري
كساكي توب الدهب
على قدك العنبري
طيبتك لقلبي .. طب
روحك تريحني
مهما
مهما يطول الكرب
خاطرك يصبرني
كفايه ليل القمر
لما يدور بدرك
يحيي ليالي السهر
نحكي له عن سرك
وازاي ينام الليل
عاشق تراب قدمك
شايف عشانه الويل
ويقول : فدا ضفرك
ويا مصر يا ام الولاد
والتاج على جبينك
ضمينا لاجل العباد
تاهت خطاوي البشر
والصبر مش صابر
والعين جفاها البصر
والليل طويل حاير
ويا مصر ياام الهرم
حبي إلك دايم
حبك لنفسي حرم
جواه أنا هايم
هيمان وناسي الألم
صاحي ومش نايم
الشاعر / محمد محمود شعبان ( حمادة )
مصر ـ الزقازيق ـ محافظة الشرقية ـ