( عايز معجزات )

( عايز معجزات )

عايز لقصرك في سماكي **** أركب براق
لاحسن ده عمري معْ هواكي *** داخلين سباق
ويا دوبك أوصل يا ملاكي *** وانوي الفراق
عايز براق
***
وازاي راح اقدر أقطفك *** والعمر ذ ُل
ياخد وبعد ما يوعدَك *** يجري يفل
***
عايز لبرِّك والنَّجا *** سفينة نوح
يمكن يلاقيني الرَّجا *** في الغيم يلوح
***
واخد معايا في صحبتي *** شوق الحنين
وده كل زادي في غربتي *** طول السنين
***
عايز لظهري اللي انحنى *** عصا موسى
عايز لروح تاهت هنا *** شفا عيسى
***
عايز وعايز معجزات *** زعلا ن على العمر اللي فات
خايف على بكره اللي آت
***
بصِّت لي بنتي وقرَّبت *** على كتفي قامت طبطبت
وخدتني من إيدي البُنيّه *** شاورت لي ع الشمس اللي جيَّه
مسحت لي دمعاتي ، وقالت لي :
بابا انت طيب
واللي جاي بكره قريب
خليك شويه
واللي ما تقدر عليه
أنا بردو هيه !!
هيه اللي قامت في الجزاير *** ولا فاكر يوم يناير ؟ !
أنا بردو هيه
هيه اللي شالت ولدها *** يوم دير ياسين
دفنت ضناها بيدَّها *** لاجل اليمين
حالفه لَتِحمي أرضها *** بدماها هتصون عرضها
***
هيه دي يا ابا الحكايه *** واحنا بكره والبدايه
قوم يا بابا... قوم يا بابا هات لي طرحة *** زَيِّن ِ الفستان بفرحة
بكره جاي
طالب القُرب افتحوا له *** افتحوا له الباب ويا لا زغرطوله
الليه ليلة حنتي .. وبكره طبعا دخلتي
دخلة حبيبة ع اللي طالب حُبها
***
شوفت يا ابا إن الزمن ده للبنات *** ولا لسه ـ يا حبيبي ـ لسه عايز معجزات
قوم معايا .. قوم معايا نكمِّل المشوار بجد *** هات معانا .. هات معانا في إيدينا كل مولود اتولد
ارفعونا هيله بيله ... نبتدي والكل عيله
ارفعونا لاجل نور الشمس يحضن و ِشِّنا *** احنا نَـبْــته عايزه شمس الكون تغرق أرضنا
***
حط إيدك ع النزيف ... خيط الجرح اللي غطاه الخريف
***
شوفت يا ابا ان الزمن ده للبنات *** ولا لسه يا حبيبي لسه عايز معجزات
بقلم الشاعر / محمد محمود شعبان ( حمادة )
مصر ـ الزقازيق ـ محافظة الشرقية

والله انت كلامك معجزة
جلابية حلوة مطرزة
البنت جابت اصلها
لبستها جات على قدها
طيب بقى احكي وقول
لسة عايز معجزة
اخي الشاعر الباهر حمادة الكريم
ايه حكاية البنت معاك هي مصر ولا بنتك
رائعة بجد وجميلة
هناك قلق في ابيات قليلة جدا في الوزن والبحر
دمت مبدعا

مصر ولا بنتي ؟؟ والله إللي حضرتك تشوفو ... كله يمشي
بارك الله فيك أخي الرائع ، وأنا في غاية الشكر والامتنان

معان حلوة وصور ملفتة وحس بديع

جميل هذا الهطول ورائق لولا بعض عثرات شابت لحنها

أحسنت شاعرنا

تحيتي

جميلة تتغنى فيها الكلمات راقت لي صورها التي خُطت بيراع موشومة بالجمال
دمت بألق شاعرنا الفاضل
تحاياي

جميلة تتغنى فيها الكلمات راقت لي صورها التي خُطت بيراع موشومة بالجمال
دمت بألق شاعرنا الفاضل
تحاياي

ممتن جدا أخت آمال لمرورك العاطر .. دمت أيتها الأديبة المتألقة .

السلام عليكم ورحمة الله

شاعرنا الرائع

غزلت بالكلمات فانتجت ما اطرب اذننا واسعدنا

رائع النص كروعة مبدعه

تقبل مروري وتحيتي

معان حلوة وصور ملفتة وحس بديع

جميل هذا الهطول ورائق لولا بعض عثرات شابت لحنها

أحسنت شاعرنا

تحيتي

نعم سيدتي الفاضلة
ربما يكون هناك كما قلت حضرتك
ولكن أعتبرها من الشطحات إن صح التعبير
ولا أدري مدى صحة هذا ؟
أحيانا أدندن وأغني ببعض الكلمات بلحن يروق لي ، وطبعا لا يتماشى والبحر العربي المعروف .
وكلما أعدتها لا أجد لها وزنا معينا يضبطها ولكني أغنيها بلحن معين .
والطريف : أنني أحب دائما أن أتوه المستمع معي في لحنها

لك مني أحلى تحية ومودة

حمادة الشاعر
مشرف عامية

يا متوهنا معاك يا شاعر يا جميل .. أسعد الله صباحك
مبدعٌ أنت وثري .. سررت بارتياد هذي المعاني الرائقة
دمت مبدعًا ولك من أخيك المحبة والتقدير

يا متوهنا معاك يا شاعر يا جميل .. أسعد الله صباحك
مبدعٌ أنت وثري .. سررت بارتياد هذي المعاني الرائقة
دمت مبدعًا ولك من أخيك المحبة والتقدير

بل أنت الجميل والحبيب
وصباحك السعادة والفرح والأمل
وأسأله سبحانه في هذا الشهر الفضيل أن يكون نهاية كل ظالم جبار ، وأن تنعم كل شعوب المنطقة بالحرية والسلام .
شكرا لوجودك ، ولكلماتك المشجعة يا الحبيب مديرنا / وليد عارف الرشيد .

تحيتي

حمادة الشاعر
مشرف عامية